تعديت من نفس البلاصة و شفتها ...

تعديت من نفس البلاصة و شفتها هيا هيا ...

مازالت اك البنية ...

مازالت اك البنية الي في عينيها برشا كلام ...

غزرتلي كاينها تحب ترميلي لملام..

و تقول ...

وتقول وينك .. ستنيتك .. نهار فرحك جيتك ... فرحتلك ... هنيتك و انا ...

وانا دمعة ع خديا ... نحبس في دمعة عينيا ... وننزل مالقهرة ع سنيا ... نحب نبكي و مانجمش ... نحب نحكي و مانقدرش ... تخلطت الحروف ... دقت القلوب ... غزرتلكم بقلب موجوع و ما حسيت ..

ماحسيت بيا .. و لا ريتني وانتي معاها هيا ... عينيك في عينيها ... مانعرفش تشوفني فيها ... والا حبيتها هاذاكا علاه خطفتها من اماليها ...و الناس الي تحبها و جات تفرح ليك و ليها ...

وانا ...

ما يهمش ... صدقني والله ما يفرق ... انا من نهارت الي ريت جواب عرسك ... ما ريت فرحة ... من غصرة لغصرة ... من وجيعة لوجيعة ...

سكنتني ... سكتني في تراكن قلبي ...

ملكتني ... ملكتلي روحي و عقلي ...

سجنتني ... سجنتني في روحك ...

عبدني ... عبدني في مخي صوتك ...

ما يهمش ... صدقني والله مايفرق ... انا الي تعبت عليك ... ضحيت معاك ... صبرت معاك ... بكيت معاك ... تمرمدت معاك ... انا الي قلبي معاك ...

انا الي قلبي معاك ... سنين نجري ع رضاك ... و ليالي نحلم لقاك ... و ايامات بالدقيقة و الدرج نستناك ...

ميسالش ... مايهمش .. عاديت عباد ربي ع خاترك ... بنيتلك في الجنة قصر و قلت مانحب غيرو من هالبشر ... نسيت الدنيا و الاخرة و المال و الجنة و جهنم و الارض و السحاب و العباد ... و عشت في دنيا كان انا وياك ... و

باقي مايهمش ...

كتبت عليك ... و غنيت باسمك ... و صنعت من صوتك الحاني ... و قلت ليك عمري و اسراري ...

تسلفت منك ضحكة حزينة من بعيد ... كاينك قتلي انتي الي نحب و نريد اما ... اما الله غالب ...

الله غالب كي خذيت باسم الجاه و المال ... بعت روحك ع خاتر شوية دلال ... و نسيت ...

نسيت البنية الزوالية الي ستناتك سنين ... الي اليوم تغزرلك وانتي متصدر انتي و عشرة نهارين ...

نسيت البنية الي عليك بنات حلمة ... و مارضات فيك وجيعة الكلمة ... و تحدات الناس و العباد ع خاتر حبها ليك ... الي مارضات ثانية تخليك ...

مايهمش ... تي هاك تخليت عليها ... و خذيت غيرها نشالله تتهني بيها ...

مايهمش .. اتقي مولاك فيها .. واحميها و هنيها ... كون راجل ليها موش عليها ...

مايهمش ... مايهمش في البنية الي حلمت بيها ... افلوس تبدل و تنسيك فيها ...