دخلت في دوامة عندي مدة... ندور في حلقة مفرغة... و ندور و ندور ووصلت لنقطة نهاية.... باب حديد مسكر .... في بحر غارق نصارع باش نوصل للشط... و نحس في روحي بين فضا و هوا.... نغفق نحب نوصل للدنيا و مانجمتش.... دخلت في سبات شديد عندي قريب جمعة....

كل حاجة مزيانة في حياتي فقدت قيمتها.. كل حاجة حبيتها ولات كيفها كيف الحنضل.... كيف طعمة الدوا.... قطعت علاقتي بالناس و الموجودات و المحسوسات... بالارض و الدنيا و العالم و الكون و عبادو.... بقيت وحدي براسي.... بقيت راسي يغرق و انا نهزو نعاود نغرق نزيد نهزو.... و نبقي هكاكا للصباح... مخدتي تنفخت.... ولا الليل عشيري.... صاحبي و رفيقي... ونيسي... و عزيزي.... اقصي مراحل الاجتياح.... مخي ياكل فيا ماكلة....

كل ما في الدنيا خذا لون واحد... الارض السما الشجر .... كل ما في الدنيا كي بعضو... كل شي قد قد قدامي حتي الارقام كي بعضها.... حتي النظريات و نوال السعداوي و جوها ماعادش يعنيني... كرهت كل شي حي... كرهت كل شي جامد.... وجود الناس الكل في حياتي ماعادش يعنيني.... حتي نبقي وحدي ماعادش يعنيني.... حتي تضحكلي الدنيا والا تبكيلي ما تعنينيش.... دخلت في صراع مع روحي مع الوقت مع الدنيا مع الناس مع الحيوانات حتي مع الجماد.... كل شي يصير قدامي نعملو تحليل فلسفي.... مخي عمل arret... و الناس الكل طاحو refusés ... و انا طحت control.... عملت stop لكل حاجة في بدني منها عقلي و تفكيري.... عملت stop للوقت... و لكل شي.... قوس قزح يبان اكحل و ابيض... بلاح صفار .... فقد زينتو... فقد كل حاجة مزيانة فيه.... و فيا.... هدتني الجمعة الي فاتت.... و هدت حالي.... هدتني و تعبتني..... خلاتني بلا اسم.... بلا عنوان..