ساعات ... ساعات لازمنا نكونو مخيبنا و ناخذو قرارات في حياتنا تنجم توجع غيرنا ... ساعات لازم نكونو مخيبنا و نضطروا نبعدو ع الناس الكل .... و لازم نبدلو ثنيتنا ... و نختارو مصلحتنا ... ساعات لازمنا نكونو انانيين باش نفرحو رواحنا ... ساعات لازمنا نعفصو علي شوية الحنية لي عندنا باش نجمو نقدمو و نعملو حاجة في حياتنا ... ساعات لازمنا نكونو خايبين ... باش نفرحو رواحنا ...

نوصلو لمرحلة اننو نقلولو يزي ماحبينا الناس و خفنا عليهم ... يزي ماسالنا عليهم و عاوناهم ... يزي ماسمعناهم و كنالهم سند و كتف .... ساعات نفهمو اننو كان فما انسان يلزمنا نحبوه هوا روحنا ... و كان فما حاجة يلزمنا نرحموها هي قلوبنا ... و كان فما حاجة يلزم نتبعوها هي مبادئنا ....

و كان فما حاجة يلزم نسمعوها هي مخنا ... ساعات تلقا روحك في عركة بين عقلك و قلبك ... ساعات فما ناس ماتهونش عليك تجرحها .... و فما ناس ماتهونش عليك عشرتها... و فما ناس ماتتحملش بعدها ... و فما قرارات ماتتشجعش انك تاخذها ... اما تجرح و تهون و تحمل و تقرر .... علاه ؟ .... علي خاتر اك النفس العزيزة ... الي تتمني تفرحها ... الي تستاهل دلالك و حبك ليها ... الي تستاهل تغزرلها بعين الرحمة و تقلها سامحني .... الي تستاهل تبشبش بيها و تسمعها .... ساعات نضطرو نكونو خايبين في عينين اقرب الناس لينا ... باش نكونو مرتاحين مالداخل ... باش اك النفس العزيزة تتنفس و تتفك الخنقة لي مكبلتها .... احنا موش خايبين في الحقيقة ... لكن لازمنا نكونو انانيين علي خاتر رواحنا شوية .... احنا في الحقيقة خممنا في اكثر انسان مستحق نكونو معاه و نحسو بيه .... الي هوا رواحنا .... الي هوا اك الصوت الدخلاني ... و اك القلب لي ينبض فوسطنا ...اك الروح المزيانة ناقصتها لهوة ... و اللهوة موش مستحقتها من حد ... مستحقتها من روحك انتي ....