اك المرا الي تاخو في قوتها منك... اك المرا الي كلمة منك تنزل بردا و سلاما ع قلبها الي قعدت سنين ربي تلملم فيه و وجعتو... اك المرا الي تهد الجبل ع خاتر غزرة عينيك... الي تعبت وضاعت وسط النسا.... الي بكات ع مخدتها كل ليلة وهي تخمم فيك... الي صنعت دنيتك نوار و حب و غرام و برشا فرحة و وديتها بقلب بارد حجرة قتلت بيه الطرف الي مازال من روحها... الي تمناتك في منامها و غفوتها و ستناتك ع بابك و لا قالت يزي ولا عييت... الي وجيعتها تهد الهدود و قلعت من قلبها كل ذرة حب و هداتهالك ع طبق ذهب... الي تحملت و صبرت و عيات و شقات م حبك و لا نهار شكات... الي وحشك بدع بيها و قتل الروح لي فيها و باقي تتنفس هواك.... اك المرا الي حلمت معاك و صبرت علي طبعك المعوج و و تخرنينك و دلالك و هبالك و حبت عيوبك و تحملت وجيعة الكلمة.... الي لا نهار خممت في فراق و لا نهار قالت مكتوب ... بنات عليك حاجة مزيانة وسط البرشا خايب لي فيك...

هي بيدها المرا الي ماتحبهاش.... هي بيدها المرا الي اخترت تكافيها ببرشا عذاب و ليعة... هي المرا الي ماحسيتهاش مافهمتهاش.... المرا الي ماصنتهاش ماتمنيتهاش.... مامليتش عينك بيها... في وجيعتها مانسيتهاش....
ماتحبهاش... ماتحبهاش المرا الي تجري ع ضحكة صغيرة منك... و ع فرحة تقلعها من قلبك... و تستنا في رضاك عليها....

موش قاعد تشوف؟... موش قاعد تشوف في عينيها المحبة لي زرعها ربي وسطها.... اللمعة الي في عينيها تبرق كي تجيها... موش قاعد تشوف في محبة مغلفة ببرشا حزن و تعب كنت انتي سبب فيها... ماجاش لبالك اننو نومها و سهرها و الحواق لي تحت عينيها و ضعفها و بكاها و تعبها م دنيا انتي سبب فيه...

موش قاعد تشوف خاترك المرا الي كيفها ماتشوفهاش... عينيك ماتلمحهاش... مخك مايكبتيهاش... قلبك مايدقلهاش... تعشق المعوج الغالط الفاسد و السعد المكبوب ... تعشق المعقد الي يوجع يجرح و مايصونك ا ولد الناس.... تعشق الذل وقت الي فما الي شراك بالغالي و باع عليك النوم الغالي و حطك في مقام عالي...

موا كيفها انتوما ماتحبوهاش... ماترضيكمش... ماتساعدكمش...