Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
منحبوش ولد حلال أنا
Ahlem El Mezni - أحلام المازنيريتوهم هاكم لي يقولولي"ربي ينوب عليك بولد حلال " هاكم أكثر عباد نكرهم ...
يا سيدي منحبوش ولد حلال أنا !
منحبوش معرفش ، ما دارش ماخرجش ..
ما نحبش لي في صغرو مالقراية للدار ، وكي كبر هوكا جيست بدل الوكال ..
تي ما تضلموهش مسكين ما يخدم مخو كان في دوفوار !
منحبوش هاكا ليهبط راسو قدام طفلة يعرفها ،
هاكا لي ما يوصلش نهار يضحكها !
تي هو بيدو لي همو الكل كرهبة و دار !
تي أنا نحبو زطال وماهوش ولد دار ،
نحبو كي يشد دبوزا ما يقوم كان بعد عام ،
نحبو هاكا مولا الأفار ، لي يتكتك ويكمبز ويجيب الفكرة من أعماق الأنهار ..
نحبو يبات البرا وحتى كان بوه عملهم معاه يطلب السماح مرة، أما يعاود الجرة ...
نحبو بات معى البيضة ومس السمرة ،
نحبو لا فلت لا طويلة ولا قصيرة ، لا سمينة ولا حتى ضعيفة
نحبو هاكا لي يشد مرا ما يسيبهى كان جيفة ..
نحبو عينيه بكبيرة ومحلولة وميعاديها عليه حد
ريتوه هاكا ،هو بيدو لي- نهارت تقول أي راسي تحطو عل الجرح يتسد ..
أنا نحبو فاسد بش نهار لي يحب يتوب في نهارين يتهد !
نهارت لي يختارني من بينهم لكل يبدا عندو سبب ..
نهارت لي يكبر ينسا صغرو الكل تي كان لزم معاش يسب ..
شفت علاش منحبوش ولد حلال !!
خاطر ولد الحلال عمرو ما كان ولد حلال ...
ولد الحلال عينيه تتحل مخر
ولد الحلال عادي بعد سنين عرس يولي يحب يعيش,
يطيش مرتو وصغارو أما البرى يبات عريس ..
كان عدى النهار في الدار أعرف راهو خارج وقت الظلام دحيس ..
تي ماهي بنية قد بنتو تستنا فيه بالك تنطر من عندو شوية فلوس ولا أيفون سيس ...
تي ملخر كان تكره طفلة إدعيلها ربي ينوب اليها بولد حلال وأمورك ديس سير ديس ..
أحلام المازني
Website Design Brisbane
Tags: