راجعين ..

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ahlem El Mezni - أحلام المازني

قداش نفد كي نسمع كلمة صحى ليه الي قلبك حبو ..

نزيد نتجن كيف يقولي كان نلقى نخطفك من روحك و منو ..

منحبهمش يسألوني عليك ،الكلام يطير تي نتلز نسكتلو فمو ..

الحق محلاهم كانو أياماتنا ، تي حتى العرك الي كان بيناتنا ..

ريت كيفاش كل مرة نرجع نكتب عالحكاية لي قلت نسيتها ..

إنتي صحيح الحاجة الوحيدة لي تمنيتها ..

وما نحبش نوصل نقول لانت صفحة انا طويتها

ايجا ، تي قولهم لي احنا راجعين !!

ليوم ولا غدوة أكيد راجعين

مادام عشقنا وحبينا أكيد راجعين

مادام بعدنا وإستانينا أكيد راجعين

مادامنا لتوا ما نسينا أكيد راجعين

مدام العشرة مازالت بن عنينا أكيد راجعين

مادمنا كان ليكم وانتوما لينا أكيد راجعين

راجعين يا نسمة صيف ..

يا ندوة صباح نهار خريف ..

يا غناية فيروز في نهار شتاء..

يا وردة مفتحة وقلب أصفى من زرقة سماء .

راجعين , أكيد راجعين !

بقلم أحلام المازني

Tags: