شكون قالك توحشتك !!! لا متوحشتكش ، توحشت جيست لهوتك بيا ، الخوف الي في عينك كل منشد ثنيا ، توحشت كلمة صباح النور من عندك أول منحل عينيا ،شكون قالك توحشتك !!!

لا متوحشتكش !!! توحشت نسمع صوتك كل شوية ، توحشت اكا ألمعة لي في عينية كل ما يحكيو عليك وعليا ..توحشت قعداتنا ، حديثنا ، هبالنا ، عركنا و- صياحنا ، أما شكون قالك توحشتك !!!

لا متوحشتكش ...توحشت حبك ليا ، توحشت تقلي راك متاعي وخلي حد يقربلك راني ناكلو بسنايا ، توحشت غيرتك ، صعبك وحزارتك .. أما شكون قالك توحشتك !!! لا متوحشتكش .. توحشت نبات الليل نبكي عليك توحشت نسهر نخمم في عينك ، توحشت كل شي فيك ، توحشت روحي إلي كانت فرحانة بيك ..أما شكون قالك توحشتك !!! لا متوحشتكش... ما تفهمنيش بالغالط راني جيست حبيت نقولك لي أنا توحشت نتوحشك ،تي توحشت نحبك ..