خلينا نرجعو

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ahlem El Mezni - أحلام المازني

كيف تصب الشتاء إيجا ، شدني من يدي و شتحني تحتها، خلني ندور ألف دورة...

خلي شعري يهزو الريح ،صباطي يتبل تي خليني نصيح..

خلينا نرجعو سنين لتاليي وقت كنا صغار ،وقت كان آخر همنا نتخباو من طرف أمطار...

شوف العباد كيفاش حازدتنا ،تي قلهم ينحيو السحابة و يشاركونة فرحتنا !

هاذي كانت حلمة وعاودت مرة اخرى حلمت بيك ..

حلمت بروحي في داركم بين اماليك ..

حلمت بالروبة البيضة على بدني والكوستيم مواتيك ..

حلمت بأمي وأمك يزغردو فرحانين بيا وبيك ..

يديك دايرين بنصي وعينيا تغزر لعينيك ...

نسمة باردة فيقتني نلقا روحي وحدي في بيتي وبلاش شريك ..

قمت مازالت التبسيمة على شفايفي ، تي مازلت نحس في لمسة يديك ..

قالولي كيف تحلم أكيد راو العكس بش يصير دونك ارتاح وسيب عليك ..

زايد يعني ،لك بش تكتب ليا ولاني كاتبة ليك ..

ايجا نقولك حاجة نهارت إلي تتوحشني جيست غمظ عنيك ،

تفكر أياماتنا ،ظحكاتنا و بكياتنا..تفكر آش عانينا ،قداش سهرنا و غنينا ..

تفكر كلمت نحبك لي نقولهالك ،تفكر خوفي عليك ،الراحة لي نحسها وقت نبدا بين يديك...

اتفكر الثنايا لي مشيناها،والوعود الي قطعناها..اتفكر أياماتنا و سنين لي عديناها...

تفكرت ??? أظرب روحك بكف تو و قول أنا ما كنتش راجل معاها و لا في مستواها

بقلم أحلام المازني

Tags: