سيبوني  !

أنا لا نحب ولا نتحب ..

أنا لي لازمك تغزرلي مل بعيد برك

أنا لازمك تخاف مني ، خاطرني ما نتفهمش

خطرك ما تعرفش أنا باهية برشا ولا خايبة  برشة

أنا طفلة  متناقضة ، ما تفهمنيش سوري ولا عربي

أنا لي لازمك تربحني كيف  أخت ولا صاحبة  خاطر ما لازمكش تخسرني

أنا لي كي تضيق بيك دنيا  نعرفك بش  دجي تحكيلي وتعبرلي


أنا أكا طفلة الذكية لي أي راجل يعمللها حساب  قبل ما يخم يكلمها

أنا لي نفهم في كل شي وما خليت شي معرفتوش

أنا لي تعلمت برشة من خلطت الباهي والخايب

أنا لي تحطني في الدار نولي بنت 40 سنة

أنا لي في الشارع أرجل من 100 راجل

أنا طفلة تكره الروتين تحب كل يوم  تقوم على حكاية  جديدة

أما كنت إنت الروتين الواحيد لي ماقلقتش منو

أنا أكا الطفلة لي تشيخ  عليها و- على هبالها

الطفلة لي كل مرت تضحكك بعمايلها

أنا أكا الطفلة لتحشم بش تقول قدامه كلمة زايدة

لتخير تعيطلها صاحبي قبل متعيطلها باسمها ..

أنا اكة طفلة المزيانة لأي راجل  يتمناها حتى إنت  وإلا إنت ..

حتى إنت خاطرك تمنتني ليك

وإلا إنت خاطرك كيف غيرك خفت وروحك سليت

مش هكى قتلي ، مش هذا الكلام لي شفت في عينيك ?

قتلي سكوتك يخوفني و  كي تحكي كل كلمة عندها بلاصتها   

قتلي عندك غزرة مفهمتهاش

كل مانحاول نفهمها منك نزيد نخاف  

تي شنية فيا يخوف !

خطرني نتصرف على طبيعتي !!

خطرني فايقة و  لاهية بروحي ?

،ولا  خطرني نقرى ونكتب !!!

زعما  يمكن خطرني نعرفك شنية تحب تقول حتى وانت ساكت

خطرني فهمتك من غزرت عينيك

خطرني نقرا شفايفك قبل متحركهم

خطرني نحس بيك في كل خطوة ...

أنا منخوفش  ! أنا نخاف ...

نخاف مالدنية وعبادها

نخاف من غدوة شنية مخبيلي

نخاف من غزرت العباد ليا

نخاف مالنهار وجوجمة متاعو

نخاف مالليل ، ضلامو وسكوتو

نخاف مالبحر كيف يبدا هايج

أما يخوفني أكثر سكنوا

نخاف مالحب وعذابو

تي نوصل نخاف مني

بربي  فما حد يخاف من روحو !!

ما فهمتش علاش تخاف مني !