والله وجيت يا 14 أوت ، عند برشى نستنا فيك من 14 أوت لي فات !! ستنيتك أما مكنتش عاملة حسابي إلي بش يكون هاكا ، معرفتش شنية نعمل ندخل ف depression ولا نضحك ونفدلك ونقول بڨلى ليها ،

حاسة روحي عادي علخر ، حكيا غريبة برسمي خطرني مانيش حاسة شي ملي كنت ماتوقعتو  !!! أما لبارح أخطرة نرقد بكري خفت لا فيلم 3 سنين يتعدى قدام عينية كان سهرت أكثر من هاكك ،

تي حاسيلو ، تتفكر نهارت لي قتلي ربي عطانا نعمة اسمها نسيان ، حمدوللة ربي رزقني بها ، مش نسيتك أما وين نتفكرك يجي قدامي كن لخايب لعملتو معايا ، مانيش نادمة على شي راو ، خاطر لي صار هاك لكن لازم يصير من قبل ، ونعرف شنية لي بش يصير من بعد زادة كيف كل مرا ، ترجع وانتي نادم و- تحط في بالك الي بش تلقاني كيف كل مرا ،لا يا روحي دا كان زمان .. عرفتني قوية ومايهمني ف شي وهاني رجعت هكاك تهانا ، توا يا جبل ميهدك ريح

لحكايت كل بدات بإنفتسيون وبعد بغناية ، 3 سنين بتفدليك ضاعو من عمري جرت غناية débile مفهمتش شنية لازني بش نقولك هاني نسمع فيها وقتها وانتي كل بهيم مشيت تجري بش تسمعها و- في ليلة ضحك تسختني بكلمة نحبك ، هههه نتفكر م صدمة قتلك حتا أنا وعلقت مافهمت شي وقتها ...discours نتفكرو تقول لبارح صار ، يمكن نتفكر لكلام لتقال ، البلايص لي مشينالهم أما وراس أمي راك لاعات تعنيلي شي ، تقولي ملة شبيك تفكرت نهار هذا وعلاش كتبت ، نقولك إلي نهار هاذا ميايتنساش حتا 70 سنا اخرين مش على خاطرك انتي أما على خاطر بادلني برشا مانيش بش نقولك مل يوم بش نبدا حياة جديدة ، déja بديتها و من اكا نهار لخر لقتلي فيه .... ولا أخطانا كان يقراوها لعباد تو يضحكو عليك ويخسروا عليك كن كلمة ، تعرفني منحبش فيك donc ماغير حاجا اخرا نسيت بش نقولك لي بلاصتك تعابات ونشالله تفهمها لكلمات هاذي ،

ريت ف شي لنعمل فيه تو أنا نسمع في كلامك راو pas+ ، انتي لحابيت هذا كل وانا jamais نقولك لا ، نتقابلو في 14 أوت اخر نشالله