أيا نلعبو لعبة

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ahlem El Mezni - أحلام المازني

نتفكرو نهارت لي قالي " أيا نلعبو لعبة !"

كالطفلة صغيرة نڨزت وقتلو "هيا هيا "

قلي "شقولك تحبني ونحبك أما ماغير منحبو بعضنا "

مافهمت منو شي أنا وقتها قتلو ديمة صعيب ياخي حتى في اللعب متاعك !

عطاني أكا الغزرة لي على جنب والتبسيمة الباردة وقالي يزي م تنغنيغ وايجا نفسرلك ..

شقولك نولي ننتقابلو كل يوم

نحكيو في كل شي ،

تحكيلي على نهارك كيفش تعدى ؛ مع شكون حكيت ومع شكون مشيت

نحكيلك أنا على خدمتي ، على داري ومشاكلي

نحكيلك عل البنات لدايرين بيا ؛

نحكيلك حكايات ما يعرفهمش حتى أقرب الناس ليا

شقولك نهزك معايا لي أي بلاصة نمشيلها

شقولك نكونو مبعظنا فالكبيرة و- الصغيرة

شقولك تكون إنت أول وحدة نصبح عليها وآخر وحدة تقلي تصبح على خير

شقولك نعرفك على صحابي الكل

شقولك نعنقك ونشدلك يدك قدامهم

شقولك نتوحشو بعضنا ونقلو لبعضنا كلام معسول،...

أما رد بالك قوة اللعبة الكل في أول شرط

مصدومة مالحكايات الا حكاهم ! لا عرفت نبكي وإلا نضحك

عينيا ماحبتش تهبط من عينيه

هو واثق من روحو وكل عادة اكة التبسيمة متنحاتش

"متحبش تعرف شنية الشرط ! "

فقت على روحي وهبطت عينيا ، مفهمتش فاش كنت سارحة بضبط

فيه هو ولا فالكلام لي قالو ،حاسيلو قتلو "نورني تراه "

قالي ريت مهما يصير لزمنا نرد بالنا ولا واحد فينا يحب لاخر !

#لوما

بقلم أحلام المازني

Tags: