Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

أنا ساس البلاد

enfants-ecoleAhlem El Mezni - أحلام المازني

شكون فينا ينجم يبني بلاش ساس !! ساس البلاد هو صغارها .. في الروضة وأنا صغيرة عطاوني ورقة بيضة قالولي ارسم شجرة ، دار وسماء زرقة ، ارسم حشيش أخضر و عصافير طير ..صحابي ألكل بداو يرسمو أما أنا منحبش ..

أنا نحب نسرح وحدي نحب نحلم نحب نطير ، نطير بعيد .. خلوني نعطي رايي خليوني نحكي خليوني ناقف هوني ، مقابلتكم ، إنت وإنت وإنت .. ايجا نحيلكم أنا شكون ..

أنا طفلة صغيرة نلعب ف روضة تعرفش على روحها كيفش جاها الموت وخطفها من والديها ...

أنا وليد أولى إبتدائي هاز كرتابا أرزن مني ، أنا تلميذ collége نقعد بجمعة وجمعتين ما نقراش خطرني وصلت مرة retard .. أنا تلميذ lycée لي وجهوني اداب خطرني مقريتش étude math w-physique ..

أنا لنحب نمشي نقرا وما نلقاش prof .. أنا مانيش بنت فلان ، معنديش لحق في note ..أنا ، أنا شكون ؟؟ أنا كرهت روحي من ماكلة الفوايا ، مالسقف ليقطر بالماء ، مالوسخ لي داير بيا غادي وهناء.. أنا لي كتبت ورقة لأمي وبابا قلتلهم سامحوني أما راني خترت نكمل قرايتي فالسماء ..

علاش نخلو ساسنا خايخ ؟؟ علاش تحبونا نكون ابطال فيلم 2+2=5 !! علاش الظلم قدام العينين وخلسة !!

انا تو نحب ورقبة بيظة كبييرة ما عندهاش اول من اخر ،نحب نرسم طريق عاليمين ،طريق عاليسار،طريق اللوطة و طريق الفوق ..طريق طويييلل كل واحد في جيهة ،،

سيدي شدني من يديي نمشيوه مع بعظنا انا ونتي ميهمش قداش بش نمشيو المهم نوصلو .اليوم ولا غدوة اكيد بش نوصلو

يدي ف يدك في يد الناس الكل ، بش نبنيو تونس غدوة ..تونس لكان الناس الكل تشهد بالتعليم متاعها ...

أنا ساس البلاد ، أنا نحب نتعلم !

بقلم أحلام المازني

أنا ساس البلاد