Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
رومنسيات راجل همجي
Ahlem El Mezni - أحلام المازنيشفيها كان نحبك ونغير عليك،
كان نجي قدام باب دارك وباسمك اناديك
حتى كان خرجتلي أمك نقلها راني نحب فيك !
تي شفيها كان نبوسك من شفايفك ونعضك من خديك
تي ماهو انتي ليا وأنا ليك
شفيها كان نتغشش منك والبونيا نضرب عليك
كان نوترلك عصابك بش مبعد نرضيك
شفيها كان في صحابك إنسيك
كان نقلك من قدامي لا ينحيك
كان عمري نهديك وإلي تطلب تلقاه بن يديك ..
شفيها كان نبات الليل نحلم بيك ،
كان نقيمك في عز الليل بش نقلك يا بنت الناس شاهيك
أسكت مانيش بش نقلكش هزلي ساقيك !
تي نحبك ليا كهو وفي حضني نخبيك
شفيها كان من برد الشتاء ندفيك
كان نهرب بيك بعيد وفي اسمك إنسيك
شفيها كان نحطك قدامي ونقعد نتفرج فيك
تي كان نلقا نشد نغفص دين والديك !
بستيلويا
أحلام المازني
Website Design Brisbane
Tags: