Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
الوجيعة تقويك
Ines Ben Abdallah - إيناس بن عبد اللهفما تعب من تعب ..
تعب يتكره و تعب يتحب ..
ساعات الوجيعة تخلي فيك تراس ..
لا تفهملو ساس و لا راس ..
برشا هم و غم ..
روتين على ستراس ..
ساعات و انت تقص في الكياس تخمم ترمي روحك تتكب .. تخليها في دمها تتصب ..
z
باش معادش اتحير ..
تحب تتحرر ..
تحبها تخرج منك و للسماء بحذا الرب إطير..
و ساعات الوجيعة تكون بنينة ياسر ماحلاها ..
تحسها حنينة..
تخرج منك عبد ما تعرفوش ..
انسان جديد عليك ..
ليه سنين ساكن فيك ..
تخليك تتفنن ..
ترجع تخنتب و تكتب و تنطق و ترجع السر الي فيك يبان ..
و ساعات الوجيعة تهدمك ..
تمرمد سماك و تحت التراب تردمك ..
تحط إيدها في إيديك و تكبش فيك و تقولك موش مسيبة والديك ..
و حتى كان سيبتك تبقى من بعيد تتفرج فيك و تعاود تقولك
"ماحلاها الهاوية تواتيك .. صنع إيديك .. التحويقة الي تحت عينيك و الدمعة الي على خديييك .."
ساعات الوجيعة تخليك تتمنى تشليطة في بدن .. سبيطار و لحن الموت يرتل و انت في كفن ..
و ساعات الوجيعة تقويك و تخليك تمحي الضعف الي فيك ..
وجيعة توريك وجوه الناس على حقيقتها ..
بين الناس الي على نيتها و الناس الي غارسة في ظهرك سكينتها ..
ناس تبيع الدنيا و تشريك و ناس في قعدة تبيع فيك ..
الفاااااااايدة في الوجيعة خاطرها بألف صنيعة و طبيعة ..
يا تقتلك يا تقتلها
إيناس بن عبد الله
Website Design Brisbane
Tags: