Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ﺣﺐ ﺭﻭﺣﻚ
Ines Ben Abdallah - إيناس بن عبد اللهﺣﺘﺎﻧﺎ ﺳﺎﻋﺔ ﺳﺎﻋﺔ ﻳﺠﻲ ﻋﻠﻰ ﺑﺎﻟﻲ
ﺑﺎﺵ ﻧﺤﺐ..
ﺃﻣﺎ ﻻ! ﻣﺶ ﻫﺎﻙ ﺍﻟﺤﺐ ﻟﻲ ﻓﻲ
ﺍﻟﻜﺘﺐ..
ﺣﺐ ﻣﺰﻳﺎﻥ ﺣﺐ ﻣﻠﻴﺎﻥ ﻓﺮﺣﺔ ..
ﻛﻴﻒ ﻓﺮﺣﺔ ﺍﻟﻔﻼﺡ ﺑﺎﻟﺸﺘﺎء ﻛﻴﻒ
ﺗﺼﺐ ..
ﺑﻮﻙ ﻳﺴﺘﺤﻖ ﻣﻨﻚ ﺑﻮﺳﺔ ﻋﻠﻰ
ﺟﺒﻴﻨﻮ..ﺗﻨﺴﻴﻪ ﻓﻲ ﻫﻤﻮ ﻟﻲ ﻛﺜﺮ
ﻭﺑﺎﻥ
ﻓﻲ ﻋﻴﻨﻮ
ﺃﻣﻚ ﺗﺴﺘﺎﻫﻞ ﺗﻌﻨﻴﻘﺔ ﻃﻮﻳﻠﺔ ﻓﻲ
ﻋﻮﺽ ﻫﺎﻙ "ﺟﻴﻌﺎﺍﺍﻧﺔ ﺗﻲ
ﻓﻄﻮﺭﻱ
ﻭﻳﻨﻮ؟"
..ﺃﺧﺘﻚ ﺗﺴﺘﺤﻖ ﻣﻨﻚ ﺑﺮﺷﺎ ﻟﻬﻮﺓ
ﺧﻴﺮ
ﻣﻦ ﻗﻌﺪﺗﻚ ﻓﻲ ﺍﻟﻘﻬﻮﺓ..
ﻣﺎﺫﺍﺑﻴﻬﺎ ﻟﻮ ﻛﺎﻥ ﻓﻲ ﻫﻤﻬﺎ..
ﺗﻨﺴﻴﻬﺎ
ﻭﺗﻮﺍﺳﻴﻬﺎ
ﻳﺪﻙ ﻓﻲ ﻳﺪﻫﺎ ﻭﺗﺘﻤﺸﻰ ﻣﻌﺎﻫﺎ
ﻋﺎﻟﺒﺤﺮ
ﻣﻌﺎﻙ ﺗﻨﺴﻰ ﺍﻟﺪﻧﻴﺎ ﻭﻣﺎ ﻓﻴﻬﺎ ..
ﻫﺬﺍ ﺷﻲء ﻣﺎﻟﺤﺐ
ﺭﻳﺖ ﻣﺎﺑﻨﻮ ﺍﻟﺤﺐ؟ ﻧﺤﺐ ﺇﻧﻲ
ﻧﺤﺐ ﻭﻧﺘﺤﺐ ﻭﻧﺤﺐ ﺍﻟﺤﺐ..
ﻧﻌﺸﻖ ﺭﻭﺍﻳﺔ ﺣﺴﻴﺘﻬﺎ ﺗﺸﺒﻬﻠﻲ..
..ﻭﺳﻄﻮﺭ ﻣﺰﻳﺎﻧﺔ ﻣﻠﻴﺎﻧﺔ ﻓﻴﺎﻧﺔ
ﻗﺮﻳﺘﻬﺎ
ﻓﻲ ﻛﺘﺐ
..ﻣﺶ ﻻﺯﻡ ﻫﺎﺍﻙ ﺍﻟﻨﻮﻉ ﻣﺎﻟﻜﺘﺐ
ﺗﻲ
ﻋﺎﺍﺩﻱ ﺣﺘﻰ ﻛﺎ ﺃﺭﻭﺍﻕ ﺍﻟﺠﺮﺍﻳﺪ
ﻟﻤﻄﻴﺸﺔ ﻓﻮﻕ ﺍﻟﻨﺼﺐ..
ﺣﺘﻰ ﻫﻲ ﺗﺴﺘﺤﻖ ﺃﻧﻬﺎ ﻭﺗﺘﺤﺐ ..
ﺑﺎﻫﻲ ﺗﻌﺮﻓﻮ ﺷﻨﻮﺓ ﺍﻟﺤﺐ؟ ..ﻫﻮ
ﺣﺎﺟﺔ ﻛﺒﻴﺮﺓ ﺑﺮﺷﺎﺍ .
ﻣﺰﻳﺎﻧﻪ..ﺗﺤﻔﻮﻧﺔ..ﺑﺎﻟﺨﻴﺮ ﻭﺍﻟﻔﺮﺣﺔ
ﻣﻠﻴﺎﻧﺔ
.. ﻧﺎﺍﻗﺼﻨﺎ ﺑﺮﺷﺎ ﺣﺐ ﻳﺴﻘﻴﻨﺎ
ﻳﺮﻭﻱ
ﻋﻄﺸﻨﺎ ﻭ ﻳﻄﻔﻲ ﺍﻟﻨﺎﺭ ﺍﻟﺸﺎﻋﻠﺔ ﻓﻲ
ﺟﻮﺍﺟﻴﻨﺎ ..
ﻧﺎﻗﺼﻨﺎ ﻛﺪﺱ ﻛﻠﻤﺎﺕ ﺑﻨﺎﻥ ..ﻣﻦ
ﻗﻠﺐ ﻳﺎﺍﺳﺮ ﻣﺤﻼﻩ ﻭﻓﻨﺎﻥ
ﺗﻌﺮﻑ ﻟﻲ ﻧﺎﻗﺼﻨﺎ ﻗﺮﺍﻳﺔ ﺳﻮﺭﺓ
ﺍﻟﺮﺣﻤﺎﻥ
ﻗﺒﻞ ﺍﻟﻨﻮﻡ..ﻗﺒﻞ ﻣﺎ ﺗﻬﺒﻂ ﺍﻟﺸﻔﺮﺓ
ﻭﺗﺬﺑﻞ ﺍﻟﻌﻴﻦ ..
ﻗﺒﻞ ﻫﺎﺫﻡ ﺍﻟﻜﻞ ..ﻧﺎﻗﺼﻨﺎ ﺑﺮﺷﺎ
ﺣﺐ ﻭﺃﻣﻞ
ﻧﺎﻗﺼﺘﻨﺎ ﺟﻨﻴﻨﺔ ﺑﻨﻴﻨﺔ..ﻣﻠﻴﺎﻧﺔ ﻭﺭﺩ
ﻭﻓﻞ ﻭ ﺭﻭﺍﻳﺢ ﺣﻨﻴﻨﺔ ..
ﺑﺎﻫﻲ ﺷﻘﻮﻟﻚ ﻛﺎﻥ ﺗﺠﺮﺏ ﺗﺤﺐ
ﺍﻟﺤﺐ .
ﻭﺗﻨﺴﻰ ﻫﺎﺍﻙ ﻟﻲ ﻛﺎﺗﺒﻴﻨﻮ ﻓﻲ .
ﻛﺘﺐ
.
ﻣﺜﻼ ﺣﺐ ﺭﻭﺣﻚ..ﺃﻧﺴﻰ ﺧﻮﻓﻚ..
ﻗﺪﺱ ﺗﻔﺎﺻﻴﻠﻚ..
ﻛﻮﻥ ﻧﺘﻲ ﺃﺳﺮﺍﺍﺭﻙ ﻭ ﺑﻴﺮﻙ ..
ﻭﺑﺮﺑﻲ ﻛﻮﻥ ﺃﻫﻞ ﺃﻧﻚ ﺗﺘﺤﺐ
..
ﺗﻲ ﺭﻳﺖ ..ﺭﻳﺖ ﻣﺎﺣﻼﻩ ﺍﻟﺤﺐ ؟
إيناس بن عبد الله
Website Design Brisbane
Tags: