كنت وحدي كنت إنسانة ضايعة ماشية في ثنية و ما تعرفش أخرتها وين كنت انسانة حابسة بين البينين لاهي عارفة تقدم و لاهي عارفة توخر إنسانة ما تعرفش شنية تحب حتى لين دخلت إنت لحياتي و  علمتني كيفاش نحب خليتني نعيش عيشة وردية و حطيتلي الدنيا الكل في كفوف يديا خليتني نحس لي أنا ما عشتش قبل خليتني نحس ل أنا تولدت من جديد طفلة صغيرة و كان يبعدوها على أمها تموت إي أنا كنت هكاكا ربطت حياتي بيك و كان يبعدوني عليك نموت ولا نجم نعيش بلاش بيك إنت كنت إنسان غير الناس الكل خليتني نحس لي  انا عايشة حب أفلاطوني كيما يحكيو عليه في الكتب..

حب لا تهدو مشاكل و لا يمحيه حتى سبب علمتني كيفاش نعيش و كيفاش ناقف على ساقيا إلي في لحظة قصيتهملي بالظبط كيما عصفور كان طاير و فرحان ب حريتو و فجأة تكسرت جناحاتو ملي طلعتني لسابع سما في لحظة هبطتني لسابع أرض و لي حلمناه الكل طيحتو وحدك فالما أما لا أنا عمري ما نطيح و بلي يصير ديما نداوي جروحي بروحي و نعاود ناقف على ساقيا بالظبط كيما علمتني انت إلي الدنيا ما تاقف على حد و هاك مشيت و الدنيا ما وقفتش عليك و ما ندمتش على معرفتي بيك خاتر حكايتنا علمتني برشا حاجات و كيما نسيت لي عشتو قبلك بش ننسى لي عشتو معاك و كيما يقولوا الصباط إذا ضياق عليك ماذابيك في أقرب وقت تسلم فيه لغيرك و تشوف على حاجة ترتحك و تواتيك