نجم نفهمك كي تقلي تعبت و ضحيت و نحب نوصل.. اما مانستوعبكش كي تقلي مستحيل و مانجمش.... كلمة مستحيل فسخها من حياتك... و ارمي وراها سبعة حجرات... في الدنيا هاذي تنجم كل شي مادام اهم حاجة فعالم موجودة الي هو ربي... الي عاطيك الروح و النفس الي غيرك يتمناه...

اخدم على روحك و اقري و لوج و اتعب و كسر راسك و امشي يمين و يسار... وضحي و اصبر... ماتتخيلش انو النجاح باش يجيك في طبق من ذهب وانتي مكتف يديك... عمرنا مانوصلو لحاجة بالساهل وكان وصلنالها واحنا مرتاحين راو مانستحقوهاش.... اي حاجة تعملها فحياتك اعمل عليها كيف تو ماتحسش بتعب...

ربي الفوق ربي موجود كي يشوفك تتعب يباركلك و يعاونك و يرزقك... و ديما معاك توكل عليه واثني الركبة و اتعب... زوز عباد انسان تاعب و مضحي و انسان ديما متشائم و مكتف يدو يوصلوشي لنفس النتيجة؟ ... مستحيل... السر انو لول عمل مجهود و امن بروحو... و كمل للخر.. نعرف باش نتعبو و نغلطو ساعات و نفشلو مرات عادي اصلا كان تسمع قصة نجاح الناس الواصلة تو الكلهم يقولولك تعبنا و فشلنا و كل واحد فيهم فشل على طريقتو... اما كملو و النتيجة ناس ناجحين... ماهوماش خير منك الا فحاجة وحدة عندهم عزيمة اكثر منك