Zaineb S. - زينب س

مشاعري مضطربة بين خوف غش قهرة وحش حب ما فهمت شي و ما فهمتش فاش قاعدة نعمل ..

شعلت الشمع و ضلمت الدار نسمع فالمفتاح دار فالباب معدتي دارت معاه كايني عروسة في ليلة دخلتها مش مرا تستنى في راجلها اللي عندها منو زوز صغار ،دخل تعدا لكلوار جا في وسط الصالة مش فاهم شي شافني تصدم غزرلي مالفوق للوطة انا تبسمت قربت منو شديتو من يدو لطاولة وقفتو قدامها

-هارون شنوة رايك فالعشا

دارلي كلاني بعينيه

-مازال فيها عشا غالية فاش تحكي

قربت منو حملتو لف يدو ورا ظهري كبس عليا و بعد طبس و حملني بكلي

-هارون لعشا

-هاو بش ناكل ما تخافش بش ناكلك انتي بكلك

-هههه باهي اطفي الشمع

طبس و هو هاززني نفخ عالشمع الدنيا بكلها ظلامت وصلنا بسيف لبيت النوم رماني فوق لفرش و جا فوقي حطيت كفوف يدي على لحيتو

-نحبها ما تحجمهاش هههه

-ههههه مش ديما تتشكى و تقولي ادقني كي تجي تبوسني

-و انا ما نشعفش نرجع نبوسك

طبس راسو زاد قرب مني صدرو في صدري شفايفو على شفايفي عديت يدي ورا رقبتو و بستو ،شم ريحتي

-غالية ذكرتني بليلة عرسنا

-هارون نحب نحس روحي عروسة بين يديك

طبس باسني من خشمي

-و احلى عروسة زادة