Zaineb S. - زينب س

حميدة ولات عايشة حياة مزدوجة فالنهار تلبس حمة و في الليل تولي حميدة .. أنيس مزال موسع بالو مرة يتقرب منها لين تقول هذا ميت فاني فاها و مرة يجافاها باش يهبلها في لحظة يطلعها لسابع سما و في لحظة يهبطها لسابع أرض..

الليله بش يجاها و قلها بش نطلب منك طلب كيف إنجي و منحبش اتقولي لا ..حميدة خطفت روحها فالنهار تعدات بحذا عفاف صحبتها اللي هي أخت فاروق ..معادش اتنجم السر هذا بش لازم تحكي لشكون و يعاونها و بالك ترتاح ، هي بدات تحكيلها مش عارفة كيفاش تبدا ولا شنوة تقول عفاف باهتة هذي حمة اللي لسانها داير برقبتها و ما ترشفها لحد هاي قاعدة قدامها تتلعثم و داخله بعضها و تتحوشم ..

عفاف: انطق يا حمة آش ثمة راك فجعتني .... حمة: تي برجولية عفاف و ما تضحكش عليا..اوووه اتكلم بركا ما نضحكش ...حمة: أنا أنا انحب واحد.. عفاف مصدقتش صاحت فرد صيحة و اطرشقت بالضحك.. امبوسييبللل يا حمة تحكي بجدك ..حمة قامت جات بش تمشي ..اوووه عرفتك بش تمرقني ..تي أقعد أقعد شبيك تنغر كيف الصغار والله لقصدتها أما متوقعتهاش.. علاش شبيني معنديش قلب كيف الناس .. عندك عندك أحكيلي برك .. حكاتلها لحكاية لكل.. حمة : نحبك تعاوني يا عفاف شوف حالتي كيفاش عيشة راجل و هو بوقوس لاهي بروحو أكثر مني لوقتاش بش يقبلني هكا ...عفاف : عزيزتي انتي اللي يعرفك بالقدا يحبك و يموت عليك شعند فالجرود ... لا لا نحبك تريقلني حسيتو بدا يفدمني والله كان يبعد نهبل .. باهي باهي إستنا عليا قامت للقارد روب بدات تجبد فالحوايج ..حمة تتفرج و معجبها شي ..أنا نلبس هذي محزوقه على صدري لا لا مزلت مهبلتش ..

شنوة هذي روز هاي متع بنات .. عفاف: يا حمة يهديك ماله انتي شنوه ..بفف منعرفش ..هههه أيا خوذ قرار ماله خذات من عندها برشا دبش و وعدتها عفاف بش تاقف معاها أما باين في عينيها مش منجمه تشد ضحكتها .. خرجت كملت الخدمة سكرت القهوة لبست pull فالروج و سروال في النوار سيبت شعرها و قعدت تستنى فيه كيف شافتو جاي عضت على شفايفها تستنا في ردت فعلو شافها قعد باهت بدنها بان بدن مستوي ما فيهوش زايد صدر بان مدور و يشهي هي بكلها تشهي تقطر أنوثة متصورهاش تطلع هكا زاد هبل في راسو و معادش ينجم يصبر عليها رغبة كبيرة حسها شاهيها و شاهي كل طرف في بدنها ... قرب منها و هي قلبها بش يخرج من بلاصتو هزلها خصلة هابطة على وجها و باسها من خدها .. محلاك محلاك حميدة وين كان مخبي هذا الكل ... هههه يزي أنيس أنا من عند ربي حاشمة ...ههه عادي حبي أنا نعرف كيفاش نطيرها الحشمة إجى إجى أقعد بحذايا نحب نملي عينيا بيك..

هي تحكي عالقهوة و الطرايف اللي تصير و المشاكل و هو مش مركز جملة عينيه حمارو يشعلو برغبة معادش فيه جاتو فكرة ..حميدة ..وي ...تحبني إنتي.. نموت عليك .. أنا زادة هذاكا علاش نحب نقعد معاك وحدنا راس راس ..حميدة حست لحكاية مش هي أما خافت تقول لا اتغشو و تخسر لحظه حلوة بش تعيشها معاه و هي مش حمل توا يتقلب عليها و يطفيها أيمات ..جبدها من يديها إجى أقرب متخافش شدها من يدها و حط كتفها على راسو .. حميدة آش قولك نسكرو باب القهوة و نقعدو راس راس.. هزت راسها مفجوعة ...ههه تي شبيك خايفة مني متخافش حبي أما هاك ترا ناس ماشية جايه أنا مش على راحتي معاك نحب نولي عيني بيك .. أما أنيس .. قص عليها .. أسكت الكلمة كلمتي .. هزت براسها موافقه .. أنيس فرح تبسم هو خبير في النسا و ها لبه مش بش تصعب عليه النسا يظهرو مالول مختلفين أما في اللخر كلهم كيف كيف أما مش الرجال الكل تعرف تحسس لمرا بأنوثتها و هو عاد يعرف لمفاتح الكل وقتاش يتكلم و قتاش يسكت وقتاش يقرب و وقتاش يبعد يعرف بالضبط كيفاش و وقتاش ياخذ اللي يحب عليه و الليله حميدة ليه ....