Zaineb S. - زينب س

مشى فاروق و خلاها واقفة باهته مفهمش الجملة لخرة اللي قالها . روحت لدار رمات روحها عالفرش مخها بش ينفجر مش عارفة تخمم في أنيس و الطلب متاعو ولا تحاول تفهم كلام فاروق أوووه ترقد خير ..

فاروق مروح قعد يدور فالشارع و يرحي فالدخان ، حميدة صغرو ملي حل عينيه و هي قدامو عمرو ما خمم يبدلها ولا ينقدها قابلها كيفما هي ما يحملش فيها دقت شوكة اما كلامها صحيح هو نسا.. نسا أهم حاجة اللي هي مش صاحبو هي مش راجل هي مرا كيفاش نسا أهم حاجة نهارة اللي شافها مع أنيس حس قلبو بش يخرج من بلاصتو حس روحو تغدر اتخان شاف شعرها حرير شاف بدنها مزيان و لابسه لراجل غيرو صحيح غار من أنيس غار خاطرو خذا حاجة من حقو غار منو خاطر هو شاف اللي فاروق حياتو ةلكل ينكر فيه كانت كيف تعنقو حميدة تبوسو بنيه صافية يحس حاجات مكانش ينجم يفسرهم في حياتو ما شافش أصفا منها هي مرا بألف راجل يامه وقفت معاه فالغصرات طايح معاه واقف معاه كيفاش كيفاش ينجم راجل آخر ياخذها منو ..

الليل تعدا طويل على حميدة و فاروق أما أنيس راقد في سابع نومة ما على بالو بشي خاطر متأكد اللي حميدة غدوة بش تكون عندو و ليه .. طلع النهار حلت حميدة عيناها ضو داخل مالشباك يا ريتو الليل طوال أكثر يمكن تربح أكثر وقت .. كلمت الروج قتلو منغير متجي لقهوة مسكرة اليوم ، بدات تحضر في روحها سيبت شعرها يزيها ما خباتوووو لبست حوايج بنات إي حوايج بنات عملت روج في فمها هذاكا آش تعرف تعمل و بارفان متع أختها صابرة خزرت خزره أخيرة لروحها فالمراية و خرجت ، أمها ترا فيها مش مصدقة .. حميدة بنيتي يا بنيتي هالنهار السعيد ريت ريت محلاك هكا .. أمي مزروبة أمان .. باهي باهي برا يا بنيتي نشالله نراك عروسة و نتهنى عليك قبل منام عيني ...رجعتلها باستها من جبينها .. يزي يامي علاش الدراما دعوت خير و كهو .. برا بنيتي يطيح بيك ولاد لحلال و يبعد عليك ولاد لحرام ... خرجت حميدة متعدية فالحومة شافت فاروق واقف يتكيف بلعت ريقها و مشاتلو .. صباح الخير .. هزها و حطها عمرو ما شافها هكا ..صباح الخير ..صباح الخير قالها ببرود.. تعدات و خلاتو حاسه عينيه بش ينقبولها ضهرها من تالي .. خذات تاكسي قعدت ساكته قلبها يضرب ف 200 ..تاكسيست : وين نقصدو ربي يا مدام .. مدت الورقة مالساك و يدها ترعش مدتهالو .. هزني للأدريسه هذي ....

فاروق قعد يثبت في حميدة و هي ماشية ميعرفش وين أما فهم اللي هي ماشية تقابل فيه حس وجيعة في قلبو حاول يلهي روحو و ميخممش فيها منجمش مخو يهز و يجيب وهي ماشية تخيل روحو خالط وراها يجبدها بقوة ليه يحملها يخبيها عندو و يقلها متمشيش .. متمشيش حميدة عيشك انتي متاعي انا كهو.... حميدة كانت عكسو أفكارها الكل في أنيس .. حاسه روحها تعمل في حاجة غالطة أما قلبها غلبها و كان أقوى منها مكذبش اللي قال يضرب الحب شو بيذل . تليفونها يصوني طريق كامل صابرة تطلب بففف اش تحب زاده لازم بش تسأل عالقهوة علاش مسكرة علقت عليها و حطت التلفون سيلونس..سارحة و التاكسي وقفت ..وصلنا يا مادام .. خلصت و هبطت خذات نفس قوي هذي هي الدار.. أنيس فالداخل شايخ عمل دوش لبس أكثر حاجة تواتيه عمل بارفان اللي تهبلهة و تخليها دايخه عليه ظلم الدار هبط الريدوات و سكر الشبابك حضر شنبانيا و حط موزيكا كلها رمنسية .. كمل خزر لأنجازاتو مله انت يا أنيس يطلع منك هههه كل شي في بلاصة معلم زايد ..هكه يكلم في روحو و سمع الباب يدق ..

حميدة ادق بيدين ترعش و وجه أحمر حل الباب لا هكة ماعادش فيها لابس سوريه نوار زوز فلس لولنين محلولين و شعر صدرو باين بدنو مخدوم هالراجل بش يهبلها ما فيهوش غلطة .. أنيس : حبيبي جيت ..منجمتش تشد روحها ترمات عليه حملتتتتو... جبدها لظاخل و سكر الباب.. أنيس توحشتك توحشتك برشا حرام عليك علاش ما عادش تجي اطل عليا ... قعدو عالكانبيه اتكات على صدرو تشم في ريحتووو.. أنيس يسمع و مش مركز الرغبة مسيطره عليه أما مزال شاد روحو هو مالنوع اللي يحب يتبنن يتفنن ياخو وقتو بش يوصل للي يحب عليه .... يلعب على شعرها يدو بدات تهبط لرقبتها لظهرها طالعه هابطه دارلها هزلها بيد راسها جا مقابلو و باليد لخرى عدا يدو ورا حزامها كبس عليها و طبس باسها بوسه خفيفه جات بش تبعد شدها بالقوي ماخلالها حتى فرصة بش تبعد هي زاده معينهاش بش تبعد عليه نسات كل شي و أحاسيسها و مشاعرها و المتعة اللي حاسه بيها سيطرو عليها زادت قربت منووو حط شفايفو على شفايفها و المرة هذي ذابو في بوسة طويلة ماشيه و تقوا طبس فوقهة لين طيحها فوق الكنابيه جات تحتو و هو فوقها مفقتش بروحها و هي مكبشه فيه شاديتو من سوريتو اللي تحلت فلسها ولا يمكن هو حلها يدها جات فوق صدرو عنقتووو... أنيس عرفها حاضرة ليه و معادش تصبر عليه بش تهبلأكثر منو لبه عرفها لبه و ظنو ما خابش فيهة حب يزيد يهبلها بعد عليها وشوشلها في وذنها ..حبيبي ما ضيفتكش ..كبشت فيه .. لا متمشيش كنحب شي ... هههه متخافش نجيب كاس فيسع و نرجعلك ماعندك وين هاربه مني اليوم.. بعد شويه باسها بوسه خفيفه و مشى للكوجينة حط زوز كيسان واحد فيه شنبانيا و لاخر مخلط قازوز و شراب بش يعطيهولها .. قامت حميدة وجها أحمر و شعرها داخل بعضو ريقلت حوايجها جبدت ساكها بش تعاود حميرها شافت تليفونها يشعل طفاتو فالاول و بعد الفضول خلاها تجبدو تلقا الدنيا مخروبه بالمكالمات و الميساجات حلت الميساج وجها لخلخ رمات التلفون في الساك و خرجت تجري مالدار......