Zaineb S. - زينب س

مشيت لدارنا حليتها نلقاها ظلام ،ناري على داري مستانسة حية بينا بحس صغارنا ،درت فيها ،قعدت فالصالة نستنى في هارون وقتاش يروح ،ما حبيتش نكلمو حبيتها سيربريز ،انا هكاكا و باب الدار ينوقز ،قمت حليت نلقى مرا تعمل فال 30 قدامي

-تفضل مدام ،بشكون حاشتك

دخلت بعضها وجها لخلخ

Zaineb S. - زينب س

هارون فالكرهبة يمشي سارح بافكارو غارق فالتخمام يخمم في غالية و اولادو و سمر اللي ما بطلتش طلبان و هو ما يهزش ،دار على غفلة شافها ،غالية اي اي هي غالية مرتو راكبة مع راجل اخر تضحك و تغني و طايرة بالفرحة ،ما صدقش عينو ،ريقو نشف عينيه وساعو ،الراجل شكون كريم كريم اللي كان يحبها قبل ،زمر بالقوي و زعمة دخل فالكرهبة اللي قدامو جا بش يخلط عليهم تشد فالضو ،جا بش يحرقو قص عليه كميون مالشيرة لخرا ،زمر عليه بالقوي و الحاكم قحرلو ،هبل ضرب الفولون و بدا يسب ،نار شعلت فيه الدم طلعلو لراسو ،غالية غالية مرتي اللي ما تعرف رجال غير بوها و خوها و انا ،انا كل شي عندها انا اللي حلت عليه عيناها انا اللي ربيتها على يديا باهي يا غالية باهي ،لكراهب بدات تتحرك بالشوية برشا تعطيل ،خرج راسو مالشباك صاح عاللي قدامو

Zaineb S. - زينب س

قربت منو غمضت عينيا ،وين حسيت النفس متاعو على وجهي فقت حليت عينيا مفجوعة من روحي ،وخرت لتالي ،هو زادة دخل بعضو

-كريم ،كريم (صوتي يرعش) شنوة هذا اللي كان بش يصير نسيت اللي انا مرا معرسة ،ولا قول انت فاش جيت انا اللي نسيت روحي ،اكيد تقول هذي مرا مسيبة خلات دارها راجلها و صغارها و جاية مع راجل وحدو لدارو
عينيا تعباو بالدموع

Zaineb S. - زينب س

كريم:

-غالية شنوة البروقرام توا ؟؟

-ما نعرفش تراه قولي انتي

-اسمع الساعة يلزمني نتعدا لدار عرقت و حالتي حليلة ،نبدل دبشي و نهز شوية فلوس و نشوفو وين نمشيو نعملو سهرية مهبولة

Zaineb S. - زينب س

عدينا نهار كامل مع بعضنا ،محواس

ضحك لعب تفرهدت برشا معاه نسيت مواجعي نسيت مشاكلي و حتى ولادي نسيتهم ،ما كلمتش اختي بش نسال عليهم ،انانية اي انانية يزيني ما ضحيت ،التضحية ما عندها وين توصلنا ،نحب نعيش اللحظة اللي انا فيها ..فالكرهبة حط كريم غنا و انا رجعتلي هبلة الصغر ،نغني و نصيح نضحك و نحكي بصوت عالي