Zaineb S. - زينب س

بات هارون فالصالة و انا في بيت النوم ليلة كاملة نرحي نستنا فيه يجي لبلاصتو خاتر نعرفو يكره نومت الصالة اما لا عاد اكيد يحب يكلمها على راحتو ..

قمت حظرت قهوتي و قعدت نترشف فيها حليت الرديو جابو غناية وائل جسار 'خلي الفراق اجمل فراق في دنية العاشقين ..خليني ذكرى جميلة عندك و اوعى تنسى زمان '

زادت حيرتلي مواجعي نكذب على روحي كان نقول نجم نتحمل ،قالتلي ميما لمرا اللي صبرت دارها عمرت ،علاش يا ربي لازم كان لمرا تصبر و تضحي بش تعمر الدار شبيه الراجل يعمل اللي يحب عليه و ما يحاسبو حد لا لا انا مش هكا و ما نجمش نكون هكا اللي بش نقولو على كل شي الليلة بش تكون احلى و اخيب ليلة بش نعرفها مع هارون الليلة نكونلو مرا كاملة لمرا اللي حبها و اللي وعدها ما يحبش غيرها نحب نخليلو ذكرى حلوة عليا نحب نودعو كيما عرفتو نحبها ليلة ما ينساهاش ..

خرجت مشيت شفت البوتيكات شريت حوايج و بعد تعديت لبوتيك يبيع ملابس داخلية شريت اكثر نويزات سكسي فالروج فيها فورير و مقعورة عالاجناب عريانة تعديت شريت بارفان اللي ستعملتها في شهر لعسل روحت حظرت لماكلة اللي يحبها لكل ،كملت فرشت فرش بيت النوم فالروج ،مشيت عملت دوش خرجت عملت الكريمات الكل لبست النويزات عملت مكياج و روج في فمي على لون النويزات و غرقت روحي بالبارفان و قعدت نستنى فيه..لولاد بعثتهم لكريمة ...