Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
... و كيما قالو ناس بكري
Rahma Jbali - رحمة الجبالي
كيما قالو ناس بكري : نقربلو يبعد عليا نبعد عليه يسكن فيا
اي هو هذاكا ممو عينيا مسكنوا لهنا في جواجيا
نرجعلو ... ما نلقلوش ثنية ... تقول حلمة و تعدات تقول منامة و توا وفات
و كيما قالو ناس بكري " لا نحبك و لا نصبر عليك
ولا نجم منك نقرب و لا نجم نبعد عليك
... نراه في المراية نسمعو في غناية نألف حياتي معاه في حكاية
نمد يدي نقول نشدو ما نلقاهوش حذايا ...
و كيما قالو ناس بكري ...
"عامل في عذابي صنعة"
قالو و ما خلاو ما قالو ...
أما ما قالوش الي مهما تعمل فيا فمي مغلوق و قلبي صندوق و كلمتك لي تمشي م الفوق
...
هما قالو كل شيء أما ما قالوش الي أنا وياك سفينة بحر بلا ميناء
تي لا لا و آنت الصادق, أحنا حفينا شوارع علاقتنا و أنهجها مشينا
... و لليوم لا رتحنا لا هنينا و لا على شط راحة الدنيا رسينا
و مالقينا حتى ضوء من ضوء مدينة أمانينا
و من وقتها و أحنا نقولو كنا ....
كنا جمرة و طفينا
بقلم رحمة الجبالي
Website Design Brisbane
Tags: