Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
عقاب غصة
Rahma Jbali - رحمة الجبالي... عقاب غصه بقات في البال
عقاب وجيعة دواها محال
عقاب ليل طويل ذوق قلبي الويل
عقاب أيام خلفت الندوب و الوجيعه
عقاب بكاء سقاتو القلوب بالخديعه
عقاب جروح خلفت في قلبي رماده
عقاب قلب اليوم يخبر الناس بحداده
عقاب فرحه مشات مع الماضي بسواده
و اليوم لا جيت نشكي لا جيت نبكي ...
اليوم لا جيت عليك نحوم و لا والله جيت نلوم
اليوم جيت نرمي عليك سلامي و كلامي عقاب ملامي
و بعد وجيعة قلبي على محبتهم اليوم نويت صيامي
و ذبحتهم بايدي الزوز أمالي و أحلامي
....
تبكي العيون بنار شاعله حراقه
على غدر الزمان و ناس بقلوبها سراقه
عين علي فات و عين علي جاي قدامي
نحكي حكايتي لحفار قبري و نمسح بيدو دموعي
و بآسم قاتلي نسكن وجيعة ضلوعي
....
و اليوم ... اليوم حبيت نحكي على تعبي من تصبير روحي
على وجيعة قلب ساكنه أجناب روحي
و الروح طايره هايمة خذات مني نضوحي
....
و اليوم ... اليوم جيت نحكي على قلب مهموم و على موتو مزروب
نار شاعلة فيه و دماتو بالخروب
جيت نحكي على قلب و بدن تعب و مل و كل
من هموم الدنيا و عثراتها تفنى معاها الحل
...
على دنيا زهيتها بأحلام و وعود
و في قفاها كذبت أحاامي و رضيت بالموجود
على العين الي تملات دموع
على نار ذوبت جحيمها الضلوع
على جهنم حرقت ذكريات و محات سنين
على الضبيح بالحافيه بأطراف السكين
نحكي همي و نبكي و نشكي لروحي
... نحكي و كلامي ما يوفاش و قلبي ما يهناش و راحة الدنيا ما نلقاهاش
ناري قايده وجيعتي قوية و حرابشي ما تسكانهاش
كلامهم ما يصبرهاش رجوعهم ما يطفيهاش
نزيد نحكيلك .... خ نحكيلك يزيني م السكات
نحكيلك و نحكيلك و خزرة عيني بلا دموع تشكيلك
نحكيلك بوجيعة قلب و مع كل كلمة تنهيدة
نحكيلك على ناس حبيتها و غرست في قلبي حديدة
نحكيلك ع الدنيا لي كل يوم تخلفلي نار جديدة
نحكيلك بعيون لاهبة دمات منها حروفي مديدة
...
نحكيلك و نحكيلك و يطيح عليا الليل و دموع عيني تسيل
و نتلفت على صبية حليلتها نلوج وو نلقاها موفية و عمرها بالخسارة و الوجيعة متوج
ضايعة في دنيتكم لا عاشت و تهنات و لا في دنيتهم حسبوها حية
مشات و جات عليها سنين
و الدنيا عيها بالكفوف يسار و يمين
و هي ما بين وجايع البارح و اليوم تنين
بقلم رحمة الجبالي
Website Design Brisbane
Tags: