نحبك يا تونس

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Rahma Jbali - رحمة الجبالي

نحبك اليوم ونحبك غدوة

نحبك وفي حبي ليك أنا قدوة

نحبك في الشتاء والصيف ... نحبك في الربيع والخريف

نحبك في النهار والليل ... نحبك في الزمان العليل

نحبك بلاش نهاية نحبك كيف الكتاب و كيف الغناية

نحبك يا تونس يا بلادي ... ربي يصونك م الأعادي

يا تونس يا بلادي ما أحلاك و ما أغلاك و ما أحلى بحرك و ما أبهى هواك 1

نكتب و نوصف و نقول و باللي نعمل حقك ما يوفيه القول

نحبك يا تونس الغالية ... نحبك يا بلادي الخضراء

بترابك و حجرك و شوارعك و شجرك

بكتابك و جوامعك و بآذانك و صوامعك

برجال الحومة و نساها ... و باللي زين صورتك و علاها

يا تونس الخضراء ما أحلاك بصغارك بكبارك برجالك و نساك

فيك أمي و بابا و أجدادي فيك عمري، أحبابي و أصحابي

يا تونس راك بنت عروش و إسمك في القلب منقوش

رجالك ما يخافوا ظلام ع جالك تحدوا حكام

ع بلادي الغالية نغنيلكم ... ع تونس الغالية نحكيلكم

تونس التاريخ تونس الأصالة ... تونس الجود تونس الكرامة

من الشمال للجنوب بنسمة ياسمينها تذوب

تدوم تاج على روسنا ... و يدوم هواك ينعش نفوسنا

..... و نحبك يا تونس

بقلم رحمة الجبالي

Tags: