علاش اللي تحبوا يخونك و اللي تصونوا تهون عليه و ما يصونك ؟

علاش وقت اللي انت تلوج كيفاه ترضيه يبعد عليك و بالمرار يكافيك ؟

علاش وقت اللي انت حاطط الروح و العقل فيه هو بقلبو سارح و حاطط في مكان بعيد عليك ؟ انتي كلمة نحبك تقولها و المحبة تلمع بين عينيك و هو كلمة مزيانة يستخسرها فيك ؟ تمنيت و معاه احلام بنيت . تمنيت تعمر في قلبو كيما الياسمينة الفاوحة البنينة اما ارض قلبو طلعت بور و الياسمينة اللي حلمت بيها في كالارض يبست و كلاها الدود .

علاش اللي تودوا و تعطيه عينيك يعمييك ؟!! في وقت اللي هو عندك بالدنيا يبدا هو داير من وحدة لوحدة يخون فيك . تتفكر وقت اللي وعدك و قالك في عيني غيرك و الله ما تحلا و في قلبو

انتي سلطانة و هو عاشق ليك .

علاش توا بدل و تبدل و نسى الوعد اللي وعدوا ليك ؟!

اما انتي ما نسيتش و مازلت تحبو و مازال عينك بيه .

تتمنى يجي نهار و يرجع القلب اللي حبيتوا ليه..