اليدين بردت ، الوجه أصفر شبيه يحرك في شفايفوا ما غير ما ينطق زعما كي هو حاب يتكلم شبيها الكلمة هربت عليه و غاصت فيه بعيد ؟ زيد شوف ، شبيه شنية يحب يقول ؟ ترا ثبت بالك تفهم شنية يتمتم ؟

تي شبيه وجهه ماشي و يصفار ، شوف عينيه وين يخزر الغادي ، شبيه مركز بعينيه بعيد ، المس ايديه مرة أخرى بالك دفاو؛ شي ؟ مازالوا باردين . شدهم دفيلوا ايديه ، حط ايديك على جبينو ، امسحلوا العرق اللي يقطر على خديه ، مش عرق ؟ مالا شنية ؟ دموع !! شبيه يبكي ؟

اهمسلوا في وذنوا اسألوا شبيه أقرب منو شوف شنية يحب يحكي ، شبيه ما عاش يتحرك و يتنفس بصعوبة  تي شوف شبيه يدخل في النفس بالسيف ، علاه عينيه مركزين غادي ، تبسم ؟ كيفاه تبسم و عينيه بالدموع و أنتم شبيها عينيكم بالدموع ؟ شبيه شخر و شبيكم غمضتولوا عينيه ؟  أأأ فهمت أكيد رقد هكا علاه غطيتوه و بعدتوا عليه .