عمرك جربت تقرب من عبد لين تولي تحكي بلسانو .. تنسى روحك تملك الروح إلي فيه ، تنسى كلامك وتولي تقول فالكلام ليحكي بيه و كي يبدا فادد قبل مايقلق تحس بالغش إلي فيه ..

عمرك جربت تقرب من عبد لين تولي تقول في بلاصتو الكلام  حتى قبل ما يخرج من فومو ، تولي تحب إلي يحبو وتكره إلي يكره ..

عمرك جربت تقرب من عبد لين وليت تحزن لحزنو وتفرح الفرحتو ..

عمرك جربت تقرب من عبد متنجمش تقارنو بحتى حد و وقد ما يعملك خايب باقي تلوجلو في سبب !

تي عمرك جربت تقرب من عبد لين وليت تخاف عليه من روحك !! إي تخاف عليه من روحك ..

تخاف لا تولي انت السبب في تعاستو ، تخاف لا توصل توجعو حتى وانت ماكش قصدها  ، تخاف لا تقولو كلمة مش في بلاصتها ، تخليه يبدل رايو فيك !

عمرك جربت تقرب من عبد وتمنيتو يكون ليك حياتك الكل وفي داخلك تعرف للشي هاك صعيب !

تعرف لي قد ماك بش تعمل  ،قد ماك بش تاقف معاه  ماك بش تكون كان نزوة ، مدة من حياتو  تمشي على روحها ..

قد ماهو بش يحكيلك ويعبرلك لي إنت رحمة بعثهالو ربي ، لإنت كنز ويعرف لي هو  بهيم خاطر بش يسلم فيك  ،

لي إنت ديمونتة تشعل أما هو عينيه مدعمشين  ، لإنت هاك  الملايكة لتفيقك على روحك بش تبعد عل معصية

لي انت نور هبط عليه وقت ضلام داحس ، لإنت وإنت وإنت ...

بش تفرح ، بش  تحس الدنيا بكلي ملكك أما بعد تفيق على روحك وتتفكر لي هو مش ليك ...

عمرك جربت هذا الكل ؟؟

أنا جربت ويا ريتني ما جربت !!