البارح صبت المطر البارح تمنت لوكان تتشق الأرض ونطحت في قبر ، صوت الشتاء ، ريحة التراب ، صياح لعباد ، لعصافير إلي هاربا تلوج وين بش تتخبا ، تزمير لكراهب ،.. خذيت نفس طويل وغمضت عينيا ..شفتك شادلي يديا تجري فيا ، طريق طويلا بكلني مبلولا ،

شفتك تمسحلي في وجهي ، شفتك فرحان بضحكتي شفتك تعنق فيا و- شايخ على فرحتي ...في لحضة شميت ريحتك مخلطة مع ريحة التراب ، بين لحضة فالحاضر وعشرات فالالقديم إلي غاب ، ألف تنهيدة ألف غصة وبكية ،

قد ما تقوا قد منزيد نتخيلك أما خسارة ماني نشوف كن في سراب ..فقت على رنة إتلفون ، نمرو غريب ، بن الألو الأولى والثانية سمعت صوت نفس تحسو بش يموت في ثانية ، سكت وقعدت نستنا ، عرفتك انتي !! خليتك تسمع و تتحسر خليتك تسمع وتتمنا إنو بيا نهار تتهنا ... وجيعة الخريف حيرة إلي خباه الصيف، ووجيعة صوتك إلي رجعني لتالي بعد محلفة اني مانرجع كان بالكيف...