فما ليستنى فاللعيد الصغير بش يلبس حوايج جدد ولا فالعيد لكبير بش ياكل اللحم ولا راس العام بش ياكل القاتو ، هاذا الكل عادي خاطر كل حد ومقدرو ...

أما تستناو في نهار 14 فيفري بش تقولو كلمة نحبك ، هاذا لي مش عادي !!

الكلمة هاكي بلاش فلوس ما تستحقش بش تستنى مناسبة ، لا وقت و لا بلاصة بش تقولها !

الكادوات يتعطاو في أي وقت مش كان فالنهار هاكى ، تي بالعكس les surprises لي بلاش مناسبة قيمتهم أكبر برشا سيرتو هاكم لي تلقاهم simple علخر ..

مش لازم كادو غالي بش تقول راو يحبني ، وخيتي ينجم يكون مايحبكش أما يجيبلك أغلى ما فما والعكس صحيح ..

مش لازم الرجل مسكين يدفع دم قلبو بش ليلا ترضى عليه وتمشي تفيس قدام صاحباتها ..

ما فهمتش كيفاش ينجمو يحبو بعضهم في 24 ساعة وتوفى الحكاية غادي !! تي حتى كان جاو يحبو بعضهم برسمي !!!

لازم كي تحب ،تحب 365 مرة فالعام و 60 مرة فالساعة ، تحب كل دقيقة وكل لحظة ،تحب فالبلايص الكل ،

حب لي معاك وحدكم وقدام الناس ، قولوا نحبك وقت هو ما يبداش يستنى فيها ،

وعلاش لا ، تنجم توريه لانت تحبو حتى مغير ما تتكلم أما أفعالك تعنيها ..

أنا نحب نحبك كيف حب الأرض للمطر  ، حب النجوم لليل وحب القمرة للسهر ،

أنا نحب نحبك كيف البارح كيف اليوم وغدوة والأيامات الكل ،

أنا نحب نحبك كيف حب ليلة لقيس وعبلة لعنتر  ..

أنا نحب نحبك وبين كلمة نحبك ونحبك نقلك نحبك  !

نحبك .. علاش بش نخبي عليك ! نحبك .. وحتى شي ما يضيعني من بين يديك .. نحبك . تي نعشق جد والديك .. سامحني كان  كلامي ديمة صعيب  تي مالقيتش لغة نوصل بها  حبي ليك ..

نحبك و- نحب ثيقتك فيا ..  نحبك أما  نحب نخليك تتوحشني وتلوج عليا   بش كي تراني تعنقني وتقلي يا بنتي ماعش تبعد عليا !  نحبك ونحب غزرتك ليا  نحبك وقت تتغزل بيا وتقلي

لينحيك  عليا ..