Zaineb S. - زينب س

بدينا في حوسة لعرس و نحظرو في دارنا ،دار صغيرة مزيانة دافية ،اثاث سامبل اما مختارينو بحب و بالاخص بيت النوم عملتها مزينة فالروج و الدوري و شريت برشا نويزات و روب لقصيرة و العريانة و اللي ما يخلينيش نلبسو فالشارع و قدام الناس جملة ، بش نعرس و بش نكون مملكتي الخاصة بيا ،دار انا مولاتها انا نتصرف فيها كيما نحب و راجلي راجلي اللي نحبو و نموت عليه بش نولي نصبح و نمسي بيه ،نخرج معاه وقت ما نحب و نروحو وقت ما نحبو ،بش نكون حرة حرة في حبيبي و في روحي و في داري ،كنت فرحانة طايرة بالفرحة و نستنى بالدقيقة و الدرج في ليلة لعمر ،و جات الليلة اللي كل طفلة تتمناها ،تتخيلها ،تحلم بيها ،ما رقدتش ليلة كاملة ،ما نجمتش

كلاني الستراس و تسقمت ،طلعت حكاية سقام لعرايس صحيحة حاسة قلبي بش يطلع من بلاصتو ..

مشيت انا و اختي و بنات خالتي و صاحباتي للحجامة و هارون يكلم فيا بالتلفون

-اه حبيبتي وينك ؟؟

-وي عزيزي فالحجامة

-اوكي حبي نحبك الليلة احلى و ابن عروسة

-ههههه اكيد عندك شك عزيزي ثمة شكون تنجم تطلع ازين مني الليلة

-هههههه صحيتك هكاكا نحبك حظرلي روحك

-هههه باهي ايا لازمني نعلق الحجامة تستنى فيا

-اوكي نحبك

-نحبك

ماصباح للعشية و انا فالحجامة ،ما فهمتش علاش الوقت هذا الكل تقول تبدلي فالقطايع مش تمكيجلي بالرغم قولتلها نحب حاجة فينو

كملت خليت بنات خالتي و اختي فالصالة و دخلت لبيت لداخل نلبس فالروب ،خرجت لبنات حلو فامهم

-واو غالية محلاك تهبل مزينك

لبست روب باربي و طرحة فوق شعري اللي خليتو مسيب ،عملنا تصاور و سلفي لين سمعت التزمير لبرا خويا جا بش يهزني لدار ..

وصلت لدارنا لكلها عيناها مدمعة ،وصل هارون حبيبي دخل لدار طبس باسني من جبيني و مدلي بوكي ورد في يدي ،كلاني بعينيه شدني من يدي و مشينا لصالة ،معبية بناس نعرفهم و ما نعرفهمش ،شطحنا و فرحنا و

المفاجئة غنينة غناية غالية اللي ديما هارون يغنيهالي ..

وفات السهرية لوقت فيسع تعدا اما هارون ضهرلو لوقت تعدا رزين هههههه.....