Zaineb S. - زينب س

من نهارتها هارون حرم عليا لخدمة ،قالي تبطلها ماعادش يساعدني كل يوم تتقابل انتي و السيد ، تشحت حاولت عاركت هزيت خشمي ،شي راسو كاسح ،قالي هذي حكاية و انساها ،خرجت مالخدمة و تقص الكونتاكت

بكريم معادش نعرف عليه شي ..رجعت شديت الدار و جا هارون خطبني فرحة ما نجمش نوصفها ،فرحانة بحبيبي وفا بوعدو ليا كيف قالي ما تكون كان ليا

لبسني الخاتم سيمبول حبنا و قالي هكا نبدا مرتاح و ما نحبش نراه منحي من يديك جملة ...

بعد الخطبة دخلنا في مرحلة اخرى ،التحضير لعرسنا ،هارون قدم مطلب متع كريدي ولى ياسر يخمم فالفلوس و نهار لكل يحسب ،نضحكو من قهوة لقهوة و احنا بستيلو و ورقة و انخطتو شنوة بش ناخذو اثاث ..

-لا لا هذي مش لازمة

-لا هارون انا نحب هكا

-باهي باهي و بيت النوم

-شبيها زادة ،كان تحب مش لازمة نشريو بحقها حاجة اخرى وينك

-شنوة شبيها قالو مش لازمة ههههه حبي انسالي الدار لكل و ركزلي على بيت النوم

-ههههه هارون يزي

-انا يزي متاعك قوم نمشيو للكرهبة

-علاش !!؟؟

-بش نبوسك ،تسالني هههه

خلط عليه نضربو و نقز نكبش فيه و هو يضحك و نمشيو للكرهبة نبردو قلوبنا ببوسة بنينة ،تعنيقة قوية و نروحو هههه....