Zaineb S. - زينب س

جاني نار تقدح من عينيه ،شدني من يدي كركرني و وقفني قدام كرهبة صغيرة حلها و قالي

-اركب

-وين نركب متع شكون هذي

-قوتلك اركب

طلعت و انا ساكتة مش فاهمة شي ،هارون يسوق و ساكت يغزل ،انا ما عنديش الجرءة نتكلم ،وقف الكرهبة في بلاصة خالية شوية على جنب الكياس

-شكونو !!؟؟

انا ساكتة

-قوتلك شكونو شنوة بيناتكم

-والله يا هارون ما بيناتنا شي والله اصحاب عادي

-انا شنوة نبهت عليك

-فديت ديما وحدي

-فديت تكلمني مش تصوحبلي راجل و طلعني طحان

-امبوسيبل هبلت انت هكا تحكي معايا هكا هارون ،غالية راني

و اطرشقت بالبكا ،جبدني من راسي حملني و باسني من جبيني

-اسكت يزي ما تبكيش ،غالية غالية يزي ،نعرف ما عملت شي في بالي ما ثمة شي اما انا جيتك في بالي عاملك مفاجئة شريت الكرهبة هذي بش معادش تتمرمد فالنقل ،جيت نلقاك مع واحد اخر هبلت في راسي

-هارون امبوسيبل الكرهبة هذي متاعنا

مسحت دموعي و درت لتالي نشوف فيها و نتبسم ،هو يغزرلي و يضحك عليا

-توا نسيت كل شي معادش تبكي

نقزت عليه حملتو بالقوي

-عيشك عزيزي عيشك نموت عليك

-اي ما ثماش بوسة عالفازة

هههه قربتلو و جيت بش نبوسو من خدو دور وجهو و باسني من شفايفي تصدمت و وجهي حمار و ضربتو على صدرو

-يا هكا تعمل

-تي ايا عاد اخطاني حبي راو صبرت عليك برشا ههه

عاود جبدني غزرلي في عينيا انا غمضتهم و ما حسيت كان بشفايفو فوق شفايفي ......