ديسمبر2012 قتلي مسافر و على قريب نرجعلك نحقق الحلمة ونبنوي دار في النجمة ، نشريلك لي تحب و تشتهى نرجعلك نجيبو برشة صغار بنات و اولاد و انتي لاتتعب و لا تشقى من خدمة الى خدمة انا نخلقلك الجنة في الدنيا ، نخدم في الخارج و نبعثلك الدزة و انتي اثث الدار ....

نهارتها حطيت يدي على فمك سكتك و الدمعة في عيني حبستها، قتلك لا،لانحب فلوس و لا دار ولا غشاشر يكبرونا و احنا صغار نحبك ليا احذايا و بجنبي متبعديش خليك معايا و الفقر نحاربه ،ضحكتلي ضحكة مازلت نتذكرها لا جات صفراء و لا جات متاع ماتخافش تهنى ... ضحكة موش مفهومة لغز صعب عليا باش نلقالو الحل انا لي في رمشة نفهمك نقراك و نحفظك
الضحكة هذيك مفهمتهاش ...

سافرت ،مشيت لبلاد القورة وانتي لاورقة و لا خدمة تحليت عينيك على عالم غريب عجيب انتي لما تعرف من النساء كان انا و امك ، اول ماوصلت قتلي ماخيبها دنيا و انتي بعيد عليا ،تمرمدت بكيت شكيتلي و في الاخر لقيت الحل و ماقتليش عليه وليت تبعثلي و انا نبني في دارنا كل يجور تحطت انا حاضر عليها قدام عينيا نرى فيهم حلماتنا ملى احنا صغار كل حيط نرى فيه حكاية نراك معنقني تلعبلي على شعري ومرة نرى روحي بروبتي البيضة مزيانها باش تجي عليا و انتي بجنبي تضحك فيا و تقولي لي انتي عايلتي جديدة وحتى بيت صغار حضرتها اثاث نشري و نبعثلك تصاور يعجبوك

الدار تبنات كل شئ حاضر وينك ياراجل تليفوناتك قلت في ليل ديما تاعب راقد في نهار تخدم

محبتك ليا نحس فيها نقصت وحشك ونا رو  بردو كلامي ولى شوك ما تحملوش ماطيقوش  ...

ثلاثة سنين سيبت الدنيا الي تجري بيا وعشت في الحلمة لي حكيتهالي و نسيت الي الوقت يجري بيا و انا مسكر على روحي نستنى فيك...

عام التالي ديسمبر 2014، عام ماتت فيه الاحلام تفتفتت كي البلار الكريستال ، دشتشت تروف تروف في وسط الكياس كل نص حلمة رماه في ثنية في جبانة منسية، اللمعة في عيني ولات ضباب الضحكة دفنت وهي صبية

الناس في ليل تبني أحلام وأنا نكفنها في القمرة والهلال ، دنيا بارد وهو خلاني برد ديسمبر زرع في مفاصل وجواجية ، مخزرليش معبرنيش ،ماتذكر حتى حاجة مني ليه بين ليلة ونهار ولى جهنم زرقة تبلع على بعضو كلمني في ليلة بردها يقتل البومة و الغراب و العصافير لفوق الشجرات و القطاطيس لي في الكياس هزيت بفرحة وباحساس بالخوف موش مفهوم قلت يمكن احساس الوحش كي كبر و لى خوف سمعت صوت زاد الخوف اكثر دقات قلبي معادش متحكم فيهم دموعي سالت على خدي كي الواد الحامل كلمني قلي انساني وبعد كلمتني هيا قتلي بلغتها بفيانتها و بحبها وغيرتها المغلفة الي تتباع في البوتيكات راجلي معادش تكلم رجعلي هو سئلت صحيح قلي أي و امان قلها لي انتي معادش باش تكلمني باش هيا تتهنى ....بعد الكلام هذا الدنيا سكتت في وذنيا الدنيا بكشت وليت عمية و صمية وحتى النفس تقطع من بيتي ستة شهور ماتحركتيش ...  ديسمبر 2015

نمرض بالزهايمر و ننساك و نسيتك منيش نكذب و الى نافق فيك و الا نكذب على روحي لميتها التروف الي ضيعتها وجيعتك دفنتني بالحياة خلاتني كي المهبولة عشقت الدمار نرى الناس الكل كيفك مايسواوش فرنك مصدد ، اليوم شظايا الانثى لرميتها خاطر عشقتك حبيتك حطتتك كي نجمة فوق راسها تخاف تضيعك  والاتوجعك حتى تنهيدة تخرجها وهي معاك
اليوم نرى الدنيا بعنيا انا باحلام جديدة شمسي الي غربتها في وجوه الفجاري رجعتلي تضويلي ليالية حلماتي لي قتلتهم انا دفنتك انتي وعيشتهم هما وباش نعيشهم وحدي ،مع غيرك ضحكتي على شفايفي مانحيهاش كي الوردة في ايام الربيع زاهية مفتحة ،نجمتي لمعة من غيرك ديسمبر الي كرهتني فيه نعشق   نذكرك  نهارت الي قتلي نحبك أما وسكت أنا نكملهالك الجملة اما ناقص تتعلم دروس محبة و عشرة ووفاء من عند كلبتي صغيرة تعلمك و تربيك ...

ديسمبر السنة و الشهور متفرهد نتنفس ديسمبر سنة هو بداية متاع احلامي نحققهم نضحك نتفرهد و انتي بسلامة كيف ماقالو الدنيا ماتقف على حد حياتي وقفت شهور و تاو قاعد نقدم من غيرك و مع سيدك كل حلمة انتي تحلم تحققها معايا اليوم نعيشها مع غيرك....

بسلامة انتي ووجيعتك