كذااب.. الوقت يزيد وجيعة..الوقت يزيد يحل الجرح..الوقت..كل لحظة عشتها بعيدة عليك تعداتلي ميات سنا..كل مرة نتدعثر في حاجة تفكرني فيك،الوقت ياقف و العداد يرجع للصفر..واحلة في شوية غنايات..حاجات..حلمات..بلايص..

انا نقوم و هوما يطيحوني.. ملول كنت كي نتفكرك نتقلق،و بعد بالشوية بالشوية وليت نتفكرك و نضحك..على شنوة نضحك؟! عالغدر؟! عالخيانة؟! عالغشة؟! عالكذب؟! والا على لدنيا لي بعد ما قلت هاي ضحكتلي و هداتلي راجل كيما نحب انا،فرحتني شوية..برشا..

و بعد جبدت بيا السجادة لي كنت طايرة فوقها..طحت..و قمت..اما قمت وحدة اخرى!! شكون قال الجرح ما يبراش؟! يبرى..و الوجيعة تولي وجيعة اخرى.. اما مادام العين حية،القلب ما ينساش.. كيفاه ننساو لي حبينا؟! كيفاه ننساو لي حلالنا ليالينا لي فيه حلينا عينينا لي معاه رينا الحاجات بنينة احلامي معاه كانت كي قصور الرمل..بنينا..بنينا..و جاء ريح الخريف و تهد كل شيء..تطايرت اوراق النسيان و كحالت الدنيا..و خرجت بعشقتي معاك بصندوق اكحل كي اياماتي خبيت فيه ذكراياتي و كل حاجة تفكرني فيك و دفنتو..و دفنتك معاه..ودفنت معاه احلامي لي انت وعدني بش تحققهملي و ما طلعتش عند كلمتك..و كيف ما انت خلفت بوعدك،انا زادة بش نخلف بوعدي و بش ننساك..