تونس كيفنا

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Safe Ben Jday - صفاء بن جدي

يا بلادي إيقولو أعليك تحقر الزوالي ....

و ألي يعيش فيك و ما عندوش يبقى ألتالي ....

و ألي يتعب و يشقى ديما يلقى روحو مستحق , خاطر فلوسو مالدولة تتسرق ...

و ألي من صغرو يحلم بش يكبر و بشهادتو راسو يترفع , أما كي كبر أحلامو كل يوم قدامو تتحرق ..

للي ولت العيشة فيك صعيبة يا بلادي و العباد كل يوم تعاني ...

أما ولله موش تونس ألي تحرق الأحلام و تحقر الزوالي ..

موش تونس ألي تظلم , موش تونس ألي بشعبها تغدر ..

تونس كيفنا مسكينا .. تونس تعاني ... تونس لعبو بها أستغلوها ..

أستغلو كل وضعية هي فيها بش يوصلو للكلراسي و يحكموها ...

برشا أحزاب .. برشا وعود .. و برشا كلامات .. أما كلها في الحقيقة خرافات ..

على جال حلمة حلمتهم هما بش يحكمو في البلاد ..

تونس مسكينا هي زادا .. زواليا تعاني ..

تحلم بش تطلع إلفوق و طير بشعبها في العالي ..

أما الذيوبة واقفتلها بش تخليها ألتالي .. و يكرهونا فيها و في النهار ألي جينا فيه ليها ...

أما ميهمنيش يا بلادي فلي غدروك ..

و ما يهمنيش فلي أستغلوك

بش يوصلو إلمصالحهم و بعديك نسوك ..

و ميهمنيش فلي ظلموك .. ما يهمنيش فالأحزاب إلي أستغلو أوضاع البلاد بش يحكموك ...

و بعد ما وصلو للكراسي باعوك .. مايهمنيش فيهم ..

ما يهمني كان فيك ... أنت يا بلادي ..

أرضي و أرض أولادي ..

أنت بلادي تونس الغالية وصوني أعليك أجدادي ..

بش في عيني نحطك و نحميك مالأعادي ..

و تبقى تونس محمية إلأحفادي و أحفاد أحفادي ..

و مهما إيحالو إيكرهوني فيك ديما تبقي في بالي ..

و عمري ما نبيعك لا بالرخيص و لا بالغالي ..

أنت بلادي نعيش فيك و راسي عالي ..

صفاء بن جدي

Website Design Brisbane

Tags: