وقتلي دمعة غيرك تكون فيها فرحتك و تبسيمك

اعرف  اللي انت معادش بشر .

وقتلي تغرز في قلبه سكينك و انت الفرحة ما فارقت كنينك اعرف يا منافق اللي انت معادش بشر .

وقتلي يا صاحبي  تتخبا كالافعى و بالغدرة تسيب سمومك و تتعدا  اعرف اللي انت معادش بشر .

وقتلي قلبك يخزز و كي الحديد المتروك يصدد . و وجيعة غيرك ما تعنيلك اعرف اللي انت معادش بشر .

وقتلي في غيرك تتشفى و اللي سميته صاحبك  في يوم حسدته اعرف يا كائن اللي انت معادش بشر.

وقتلي تعمى و عينيك تشوف و ترى الدنيا ماشية بالمعكوس و الكل يقدم و انت بمخك اللي كلاه السوس حابس غادي تضحك علي فارقوه الغوالي .

اعرف اللي انت و النعال الملبوس  كيفك كيفه على بعضكم ما تبعدوش .

الموت يا بشر علينا حق و لا يتيم في الدنيا اختار يكون محروم من الام ولا  البابا  .

اما انت يا مضنوني  مكنت عيونك ضبابة .

لا  عندك قلب و لا عينين تشوف

 و هاني قلت نعمل عليك معروف . و نبينلك بالمكشوف انت  من تكون ؟!

انت دي انت مرض انت كيفك كيف الارهابي على هالبلاد خطر .