إيجا اقربلي و كلمني و بكلامك المسكون أوصفني إيجا أقرب وفي وذني وشوشلي و على زندك رقدني

أقرب ماتبعديش حملني و في وسطك ضيعني

حروفك على بدني أنقشهها و وشمها

تفنن في قربك ليا خليني ننسى دنيا ومالفرحة بيك ننسى الحلمة

قدم و متوخريش و على كلامك ماتسكتيش

حل السلاسل لمسكر بيهم بيبان الاحساس و مخليني على عتبة الباب عساس ساعة ندق و ساعة نفد مالخنقة و كتمة الحب و الشهوة

قدم صوابعك في شعري الاكحل اغرسهم

شدني و متسيبنيش غمضلي عينيا و هزني في ثنية فيها كان انا و انتي

توحشت بوستك قبل ما نتبننها

توحشت نبات ليلة احذاك و تسرق بوسة من بوسات الخال المفرتين

توحشت تبكيني و تسيحلي كحلي لمهبلك

تو حشت نسهرك في ليالي الشتاء الباردة و انا نمرج فيك و نفكرلك في الغطاء و نحب نتغطى بيك و نتخبى فيك و نكذب و نقول مازالت بردان باش نلصق فيك

قدم اضحك و ضحكني ، غششني و رضيني

ميسالش احسبني بنتك و بنن عليا و غنيلي ناني ناني جاك النوم

قدم يهديك الدنيا باش تضيع من بين يديك و انتي قاعد في تركينة

الحلمة ماتقتلهاش عيشها ليلة و تقمعهاش

اقرب نوصفلك قداش محلاك و قداش نفرح كي نبدى معاك

إيجا حملني و على عنين الناس بعدني و في رموشك خبيني

و خليي عينيك و بدنك يتكلم

أقرب نحب نبوسك و في بدنك نحوس و نحوُس

أقرب خليني نحبك و لاتسالني لا قداش و لا الوقتاش و لا كيفاش و لا علاش

نعرفك تحبني حتى كان ماكش تحبني حبني حب عيوبي حب كرهك ليا حب نقصي ليك و بيك حب بلادتي و ضعفي و الغيرة الي قتلتها فيا حب خوفي عليك حب كلامي المخنوق بين يديك

و قلبي الي مايدق و يطير كان مايراك و يتعنكش بين رقبتك و يديك حبني قد خوفك انك تحب من جديد حبني قد رعبك من نهار الي يهزني فيه الموت

اقرب حبني و ماتبعديش اقرب يهديك الحيل تهد و انا نستنى فيك و القلب تعب و هو يحاوز فيك و انتي قوليش عليك تلعب قي غميضة مرة تبان و مرة تتخبى بين الحكايات المنسية

اقرب و ايجاني و على كتفي تكى و دلل انتي ترقد و انا من دنيا نحميك و في دموعك نواسيك و نداويك و في فرحتك نتلهى بيك و في مرضك نولي امك و ما نرقد الى مانطمن عليك

اقرب و انا نكون ليك الدنيا و الفناء ، الجنة و النار ،نكونلك الماء و الهواء ، الصيف و الشتاء

الموت و الحياة ، الضحكة و البكاء

اقرب راني باش نهبل و نشبشب شعري عليك

و كان مقربتيش غدوة نسكر و انجيك نغششك و نخطفك ،نغتصبك  ، و نضيع فيك و في وسطك نبني بيت و نسكن فيها و كان عجبك زادى

و نخليك تجاوب بسيف و بدف بدني نرضيك نقتلك و نحيي بيك و نزرع روحي فيك....