ياللّي تنشدني ع أيّام تونس الصّعيبة ...

فجايع الإرهاب و ذبيحة بواسلها أعظم مصيبة

فيهم الّي تغدر و تذبح و فيهم الّي جثّته بقات سليبة

و دموماته من جثمانه ما يغسل دمع العين لهيبه

يا دعوة للربّ مع دموع دمّ العين ع الخدّ نرسلها

يا شكوى من هموم الرّوح مع أحزان قلبي نحملها

و ما نتمنّى غير شفاعة الرّسول يوم الشدّة يحصّلها

نتذكّرك و نحكي حكاياتنا لصغارنا يا غالي

و نستنّاك ما بين النّجوم لي تضوّيلي اللّيالي

يا حرقة الرّوح بعدك و القلب من الفرحة خالي

لا بقى لينا كافل و لا قعد لينا والي

تونس وجيعة، تونس ليعة، تونس بكية سقاتها خديعة

تونس تبكّي ، للفناء تلقّي ، تونس من موت أحرارها عزاء مسقّي

في عيونك ريت الدّموع يا تونس يوم الفجيعه

و لمحت أوصالك من نار خوّانها خلّفت وجيعه

و خلّفوا لأولادها الجهوياّت و عشّشوا فيهم القطيعه

بآسم الدّين يذبحوا فيك قالوا يطبّقوا في الشّريعه

دين الإسلام دين تسامح بريء منهم ، هاذي كانت منهم خديعة

رحمة الجبالي