Zaineb S. - زينب س

نتفكر و دمعة على عيني هبطت و انا نتبسم ما حسيتش كان بيد فوق كتفي و صوت يقولي :

- غالية صار هي انتي اش تعمل هوني ؟؟

جيت واقفة مفجوعة ،درت

-كريم امبوسيبل وينك اش عامل

-انا اللي ويني يا هرابة ،ماللي بطلت الخدمة و مشيت ما رجعت

-ايييه مازلت تتفكر يا حسرة

-اسمع اش عندك تعمل انتي توا

-شي جيت بش نسرح شوية مع لبحر

-هههه عيشو الرومنسي ،ايا قوم نمشيو نفطرو

-لا لا عيشك معادش بكري عليا

-تي امشي يا بنتي بش نوريك المطعم متاعي قريب من هوني و نذوقك ماكلتو

-و المطعم اللي في وسط لبلاد سكرتو ؟؟

-اي سايي بدلت هنا

ترددت شوية ،تذكرت هارون خفت ، والله كان يعرف يهبل عليا ،و بعد قولت غالية شبيك هو يخون فيك ما خافش و انتي حكاية فارغة كيف هكا تخمم فيها ..

مشينا لمطعم صغير كالم و ديكوراسيون سامبل و جو دافي ،قعدنا هبطلي كل شي ،لهوة سبسيال ماكلة بنينة ،اما انا مسقمة ما نجمتش ناكل برشا ،كريم هز راسو و قعد يغزرلي كيفاش نلعب بالمغرفة فالصحن

-شبيك كول ولا ما عجبتكش الماكلة

-لا لا والله بنينة يعطيك الصحة اما انا مش جيعانة برشا

-ايا باهي هيه احكيلي اش عملت فيك الدنيا عندي برشا ماللي تقصت عليا اخبارك

-اي يا حسرة ،انا هاني عرست و جبت زوز صغار توامة بنية و وليد

-ربي يفضلهملك ،اكيد مزيانين كيف امهم

-هههه عيشك ،و انت اش عندك صغار

-هههههانا مازلت حر عازب لا صغار ولا مرا ،خطبت مرة و ما مشاتش لمور و هاني مازلت نلوج

-ربي يسهلك اما سيب عليك مالعرس اقعد هكا خير ،اسمع كلامي

-ههههه انا والله كان لقيت وحدة كيفك راني عرست ،صحة ليه راجلك ،حقا شكون سعيد الحظ ،ما تقوليش هاكا اللي تنابزت انا وياه قبل كيف جا يلقانا نفطرو مع بعضنا

-هههه مازلت تتذكر ،اي هذاكا هو هارون و هانا على بواب طلاق (بففف فاش قاعدة نقول ،ما عرفتش علاش حكيت هكاكا اما كنت مستحقة نحكي ،تخنقت )

تصدم عينيه تحلو

-يزي يزي تحكي بجدك

-ايييه (تخنقت و شدني لبكا )

جا بجنبي مدلي بابيي باش نمسح دموعي

-غالية غالية وسع بالك ،هيا نخرجو

هزيت ساكي و خرجنا......