Zaineb S. - زينب س

8:00 بالضبط التلفون صونا ،نقزت من فوق طاولت لعشا نجري نلقاه نومرو ما نعرفوش ،قلبي دق بالقوي ،احم احم حضرت صوتي و هزيت

-الو

جاني صوت يهبل فالتلفون

-الو غالية

-اي شكون معايا (نتبهلل فالتلفون)

-هارون تفكرتني

-اه اهلا اي اي تفكرتك

-اي سافا ماله يا بكاية

-لا لا مانيش نبكي عالخدمة انا

-هههه ماله على شنوة ،ما تقوليش خانك ؟

-خاني ؟ شكون هذا ؟ لا لا منحبهومش لحكايات هاذم

-اه سامحني ما قصدتش ،نفدلك عليك

بفففف قداشني جالغة ما نعرفش نحكي ،و منين بش نعرف لا عندي تجربة لا فالخدمة لا فالدنيا

-لا لا نعرف مش مشكلة

-باهي يا غالية

-ههههه (ضحكت عجبتني كيفاش اسمي اوترومون )

-حمدلله كيف ضحكت

بقينا نحكيو ليلة كاملة ..

هارون 30 سنة عامل ماستار فالتجارة العالمية يخدم فالشركة هذيكا شاد بوست باهي ،عندو خو واحد اكبر منو معرس ،نسمع فيه و فرحانة محلى كلامو متربي برشا فدلاك روحو خفيفة

،ما فقناش بالوقت كملنا 00:00 كيف شفت الوقت حشمت على روحي ،من اول نهار كبشت ما سيبت هههههه...