Zaineb S. - زينب س

انا هكاكا و نسمع في شكون ينادي

-مدموازال غالية ،مدموازال غالية

تلفتت باهتة نلقاه الراجل اللي مع سي كمال

-تفضل !!!

وقف يلهث

-سامحني من قبيلة نجري وراك و ناديلك ما سمعتنيش

مسحت دموعي فيسع

-علاش جاي ورايا ،انا راو بطلت ما عينيش بش نخدم عندكم

-تي انا خلط بش نقولك منغير ما تتغشش رتحت منها لبلاصة ،الشركة مش باهية ما يخلصوش بالقدا ،و زيد العرف مش باهي هاك ريتو لبنية اللي تجي تمشي

-مش مشكلة يا ..؟؟؟

-هارون ،اسمي هارون

-عيشك سي هارون

و جيت ماشية خلط عليا

-غالية !!

درتلو

-اسمعني انا منجمش نبطى برشا عالخدمة خرجت بالسرقة بش نخلط عليك ،تو نكلمك فالليل

بقيت باهتة ،مد يدو سلم عليا مديت يدي و انا مصدومة

-ايا غالة رد بالك على روحك

مشيت مش فاهمة شي ،علاش بش يكلم فيا و منين بش يجيبو النومرو متاعي ،اه حقا مذكاني تي ماو فالسيفي محطوت هههه

ماللي كنت نبكي وليت نتبسم وحدي ،حسيت روحي فرحانة جيت بش ندبر خدمة ياخي هاني دبرت راجل خير من بلاش هههه ، تصدمت في روحي ،غالية انتي تخمم هكا ؟ انا راجل زادة

!!!

روحت لدار حكيت لامي قالتلي

- يا بنيتي ماو وحدك تحب عالخدمة مكانش هاك قعدة في دار بوك معززة مكرمة ما ناقصك شي

-لا لا يا ما مش مشكلتي فلوس ،اما انا كا غالية لازم نعمل حاجة لمستقبلي ههههه

حاصيلو نهار كامل و انا نخمم في هارون و عيني من على التلفون ما تهزتش توا 19:00 شبيه ما كلمنيش اكيد كمل الخدمة زعمة نساني ،زعمة بدل راييو كيف شافني نبكي كيف الصغار

،اكيد يقول هذي مستحقة الخدمة و تبكي عالفلوس بففففف مخي بش يتحرق .....