Zaineb S. - زينب س

تصدمت شبيه هذا شنوة يقصد ، غنيت تصلطنت كالعادة الناس الكل شايخة شفت برشا كوادر فالدولة ، وليد ما ريتوش نغني و نلوج عليه بعينيا سهرية كاملة ماضهرش ..كملت جاني لسعد ..اوووه شهرزاد ما خيبتش ظني ..عيشك ..خو.شنوة هذا ..شاك ماكش ترا ..اي علاش ..

شنوة شهرزاد هذا هدية من عندي الليلة حفلتلنا الجو و بنتي فرحانة بيك ..لا يعطيك الصحة سي لسعد خذيت حقي و اكثر ..جبدلي يدي حطلي الشاك في يدي و قالي: شنوة توا بش تعبني معاك انتي ما ثماش شكون تقول لا للسعد *** ..

مشيت خرجت نلوج على وليد نلقاه يستنى فيا فالكرهبة و يتكيف ، حليت الباب و سكرتو بالقوي ، وليد تنجم تفهمني وينك ..هاني نستنى فيك ..اي وين كنت سهرية كاملة ..شنوة تحب نعمل قالو الشوفرة الكل لبرا و ما قعدو كان السكيرتي متاع سي لسعد ..باهي هيا نمشيو تعبت مله ليلة ..ديمارة يجري مش نورمال ، انا خفت حطيت سنتير و قوتلو ..يا وليد  تي شنوة هالليلة نقص نقص ..نقص فالفيتاس و كملنا الطريق لدار كل واحد شاد جنب ، وصلنا لدار جيت هابطة درتلو ..هيا مش هابط .ادخل انتي ما عينيش ..وليد شبيك ..شبيني ( جبد سيقارو و رمى الباكو قدامو) ..انا: سبورتيف و تتكيف ؟!..ضحك ضحكة صفرة ، جبدت الباكو و خذيت منو سيقارو غزرلي على جنب و انطرلي السيقارو من فمي ..و انتي فنانة و تتكيف ..تي هات هوني فادة..كسر السيقارو و دارلي شدلي وجهي بيدو بالقوي لين  فمي تعوج نتكلم لكلام ما حبش يخرج من فمي ..و ول وليد سيبني هبلت !! قرب مني عالاخر و باقي شادني ..الفم هذا مش متع دخان رد بالك نراك نهار تتكيف و بعد يديه ..ااي وجعتني ..قعدت انحرك في فمي درت نلقاه يضحك عليا ..ضربتو على كتافو ..تضحك ؟!..هبط طربقت الباب و خليتو يضحك انا روحت فرحانة تذكرت سيف كيفاش اول واحد علمني نتكيف ايييه قداش فرق ....

تعداو نهارين ما ثماش خدمة الدنيا بدات تبرد ،جاني وليد لعشية ..شهرزاد عندك خدمة ..لا لا فالدار الليلة ..باهي مالة بش نوصل بقضية و فيسع نجي.. باهي اوكي ..شوية و الباب نوقز في بالي وليد نسى حاجة ، مشيت انحل و شكون نلقاه سي لسعد؟؟!!..مازلت مصدومة بعدني و تعدى دخل و يلعب في عينو فالدار ..اممم حلو ذوقك ، قعد و انا مازلت بحذا الباب ..تي شنوة شهرزاد مش بش تضيفني ..تفضل شنوة تشرب ..وقف جا بحذايا ..كي تجي تشوف نشرب كل شي ..ثمة عصير تو نجيبلك ..جبدني من يدي ..استنى شبيك مزروبة الليل مازال طويل و عدا يدو على شعري ..تصدمت بعدتلو يديه ..فاش تعمل سي لسعد ..شنوة فاش نعمل توا ماكش فاهمتني ماله علاش تاخذ فالشاك المرة اللي فاتت بالك صدقت روحك ام كلثوم في زمانها ..طلعلي الدم لراسي ..اسمع سي لسعد عيشك انت شديت فيا صحيح بش ناخوه انا ما قوتلكش اعطيني ..اي في لخر خذيتو شو نعرفو النوع متاعكم تلعبها ما عينكش و ما علبالكش بالفلوس بش تاخو ما اكثر ..شنوة فاش تحكي انت ..قربلي جبدني ليه و بدا يرمي في يديه ..تي سيبني سيبني ابعدني (ندز فيه و نصيح) ..شنوة بش تلعبهالي شريفة بنت الفاضل ، مش كيفهم انتي شنوة تطلع ولا تهبط ارتيستا راك هذيكا خدمتك ..هزيت يدي و عطيتو كف زاد هبل و بدا يبوس فيا و انا نبعد فيه و نضرب و انصيح ، احنا اكاكا و منفيق كان بوليد دخل مازلت بش نتكلم ما نلقاه كان خطف لسعد عطاه مشطة جابو فالقاع و دخل فيه ضرب ...