Zaineb S. - زينب س

ما عادش انجم لازم نعمل حاجة ، تذكرت اللي عندي نسخة من بطاقة تعريفو كيف عملنا الكنترا خذيتها..قريت لدريسة باهي معرفتهاش بالقدا اما اكيد نطلعها فرحت برشا كايني درا شنوة لقيت لبست دجين و بودي نوار شعري مسيب بوكل كبار في وذني و مكياج خفيف و طلعت فالكرهبة انسوق كل شوية ناقف نسأل عالبلاصة ناس تنعت فيا بديت نقرب وقفت نلقى صغار يلعبو فالكورة فالنهج ناديت لواحد فيهم جاني يجري ..عسلامة ..عسلامة بربي تعرف وليد ..وليد المدرب ..اي ..اي اي اهوكا خوه ..ي

ا مهدي ثمة شكون يسأل على خوك ..جاني ولد يعمل عمرو فال24 (طفل ابيض مزيان طويل يشبه لوليد شوية اما مش كيفو) عسلامة ..تسأل على وليد خويا ..اي انت خوه ..اي اي اهوكا فالدار اجا معايا نمشيو ..دارلي: بربي مش انتي شهرزاد ..ههه اي انا هي شهرزاد ..ضحكلي و مشينا ..وصلنا لدار خارجة منها يسمينة محلى ريحتها ، دق الباب خرجلي وليد تصدم كيف شافني ..بقى يغزرلي ..بش تقعد باهت فيا برشا ..خوه واقفبيناتنا يغزرلنا ..وليد لازم نحكيو هيا امان نشوفو بلاصة..احنا اكاما و نسمع في صوت مرا جات..وليد وليد شكون جا ..طلت ( مرا كبيرة عاملة خمار و بصحتها شوية و بيضة و وجها بشوش برشا) شافتني جات تجري ..يا مش انتي ..دارت لوليد ..وليد هذي عرفتك مش هكا ؟ ..

بعدتو و جبدتني من يدي ..تي تفضل يا بنيتي واقفة فالباب ..دخلت و وليد ورايا باهت فيا و خوه فرحان ..فهمت اللي هي امو ..يا بنيتي هالغطا السعيد مرحبا برا اجري يا ولد جيب قازوزة .. لا طاطا بربي لا تعب روحك جيت بقضية لوليد و ماشية ..يزي صلي عالنبي ايا على ما خلط هيا بسم الله (حاطة طاولة تتعشى)كسكسي باين فيه يشهي اما نا ما ناكلش لعجين فالليل قلتلها : لا طاطا والله حمدلله صحة ..تكلم وليد: خلاها امي على راحتها ارتيستا ما تاكلش مع اللي يجي ..غزلني جبدت كرسي شمرت على يدي و بديت ناكل ..ممم طاطا ما بنو الكسكسي متاعك ..صحة و بشفا لبنيتي ..عيشك ..كمل كمل تو نصبلك كاس تاي منعنع ..اي منقولش لا ..حسيتو يغزرلي اما طفيتو جملة كاينو مش موجود ..عديت معاهم وقت حلو امو و خوه عسل الدنيا خوه ما حبش يتحرك من بحذايا قالي : اسمع شهرزاد برجولية نعملو تصاور نهبطهم عالفايسبوك هكا اندز فازتي..

هههه باهي اما خليني انقد روحي شوية هاك ترا في حالتي ..تي امورك واضحة خمسة و خميس عليك ..امو: يا بنيتي محلاك عيني ما تضرك خير مالتلفزة .. عيشك طاطا ..وليد واقف مكتف يدو قدام سدرو و متكي عالحيط ما قال شي يتفرج اكهو ..درتلو : وليد ما تقول شي انت ..قالي خوه : شعندك فيه هذاكا ديما اكاكا هاني انا نتكلم في بلاصتو هههه ..ضحكنا فدلكنا ..قمت ..طاطا يعطيك الصحة والله ما بنو الكسكسي عيشك على كل شي و قلت لوليد : وليد حاشتي بيك ميسالش نحكيو شوية ..هيا اتفضل ..سامحوني يا جماعة .. امو : اي بنتي ميسالش خوذ راحتك ....