Zaineb S. - زينب س

طلعنا لسطح هو قدامي و انا وراه وصلنا الدنيا ظلام ثمة نسمة فالسطح محلاها جبد سيقارو و اتكا عالسور و غمزلي..اي نسمع فيك ..جيت قدامو ..وليد يزي شنوة اللي صار هذا الكل ..عندك انتي ما صار شي عندي انا صار برشا ..باهي غلط خفت و ما فهمت شي ..سكت ..باهي يا سيدي سامحني ..

باقي ساكت ..شنوة وليد اش مازال انبوسلك يديك..باهي السماح شنوة المطلوب مني ..ترجع للخدمة ..انسى..وليد عيشك مش من عادتي انقرق بالناس هكا ..قربتلو جبدت يدو شديتها بين يديا و هو باهت فيا..وليد امان مستحقتك توا برشا ما تتخلاش عليا..قعد يغزرلي ..

باهي اوكي..باهي ماله انا توا نروح و انت اجا غدوة في عقلك ما عنديش خدمة ..شنوة بش تروح توا وحدك مخر الوقت ..اي عادي مستانسة ..لا استنى بش نمشي معاك ..هبطنا سلمت على امو (طاطا نفيسة)و خوه..وصلنا لدار..تعداو ايمات الجو رايض بيناتنا ..السيزون بدات توفى و الدنيا بدات تخرف و الخدمة قلة ..شوي نهار كلمتني امل : الو وي مدام شهرزاد ..وي امل..كلمني توا سي لسعد ال*** ..شنوة لسعد متع وزارة**** ..اي اي هو انا بيدي ستغربت ماللول قالي يحبك تغني في عيد ميلاد بنتو..باهي امل ايجاني توا لدار.. اوكي مدام استناني..نستنى فيها على عصابي سي لسعد واحد مالكبارات فالبلاد شاد منصب في حكومة و رجل اعمال معروف اللي هو خدمتو مش نظيفة و داخل في برشا مداخل فالسياسة و برشا خمج انا ما رتحتش بصراحة ما نحبش نخدم معاه ولا نقابلهم الجماعة هذوكم نخاف منهم و ماذبيا نقعد بعيدة عليهم....

نستنا في امل على عصابي ، نسمع في ضحك لبرا خرجت نلقى امل واقفة مع وليد يحكيو غزلت عالاخر و قعدت نغزر من بعيد مشيتلهم : امل وينك هذا قوتلك ما تبطاش ايجا فيسع ..اي مدام سامحني نلقا وليد سلمت عليه ..باهي مليح ايا ايجا معايا..ما كلمتوش جملة ..دخلنا ..امل شنوة لحكاية ..ما نعرفش مدام كلمني السكرتير متاعو وبعد عداهولي قال عيد ميلاد بنتو و شافك و شافك كيفاش غنيت فالحفلة الوطنية و عجبتو برشا ..بفف اه اي حاضر هو نسيت منجموش نعترضو ..

مدام شهرزاد تعرف انتي سي لسعد*** شكون من راي تمشي و تغنيلو خير خاطر مش بالساهل كان تقولو لا ..اوكي تو نزيد انخمم و انقولك ، تنجم تروح يعطيك الصحة ..مشات و رجعتلي ..مدام بش نسألك حاجة ..وي تفضل ..ميقلقش ماو كان نخرج مع وليد ..اش معناها تخرج معاه ..يعني ماذبيا نتقرب منو شوي يعجبني برشا ..اه لا علاش بش يقلقني خوذو راحتكم اللي يهمني الخدمة..لالا اتهنى مدام والله ما نقصرها ..باهي اوكي امل ..مشات..شنوة وليد و امل لااااا نغزل نغزل نمشي و نجي فالدار حتى فطور ماحبيتش نفطر و في لخر ما عادش انجم انشد روحي مشيتلو دقيت عليه بالقوي حل مفجوع..شهرزاد اش ثمة..فتو و دخلت..وليد.. ممم اتكلم..كنت تحكي انت و امل ..بقى يغزرلي ..لا لا ما نقصدش بففف( دخلت بعضي )يعني..امل..وليد: اي شبيها ..

انا: مزيانة؟؟وليد:نعم؟؟..اوووف امل امل تنجم تعجب راجل ..هههه شهرزاد فاش تحكي..شنوة؟ متقوليش مش عاجبتك ريتك ريتك كيفاش غزرتلها ريتكم تحكيو و تضحكو ما تنكرش و معايا انا ديما مكشبر اه قول اتكلم بالك انا غالطة (بففف ياربي شنوة قولت هبلت ياخي لازم نخرج قبل ما نزيد نقول كلام اخر) اسمع انسى انسى احسبني ما قولت شي ، جيت خارجة جبدني بالقوي ليه وجهي في وجهو نحس فالنفس متاعو في وجهي عينيه في عينيا و انا نغزرلو و قلبي يدق بالقوي ، هز يدو عداها على وجهي و قرب مني عالاخر انا غمضت عينيا والباب دق ،تفجعت بعدت عليه ..داخلة بعضي مشيت حليت نلقاها فاطمة : مدام تفونك من بكري يصوني قولت بالك حاجة مهمة وليت جيتك..باهي فاطمة يعطيك الصحة هاني جاية..درت نلقاه يغزرلي جبدت الباب ورايا و مشيت......