Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

يارِيتك تحس إلي بيّا

incomprehension-amourIbtihel Harakati - إبتهال الحركاتي

يارِيتك تحس إلي بيّا

مكتوب ربي نكون ليك ومكتوب قلبي نحبك

تمنيتك تحس إلي بيّا ونَختارُوا نفس الثنية

تمنيتك باش تكون حلالي وياريتك قعدت كان تصويرة في بالي

تمنيتك تنطق الكلمة وتعنيها موش خاطر تحب ترضيني بها

تمنيتك تفرحني على طول موش في لحظة حبك ليا يزول

تمنيتك تعيشني في قلبك ليل مع نهار موش طالبة فلوس كرهبة وإلا كبر دار

تمنيتك تفرشلي الثنية ورود موش في لحظة تخلف الوعود

تمنيتك تفهمني وما تغفلش عليا لحظة

تمنيتك تحس بيا قبل مانشكيلك من هالدنية

تمنيتك تسئلني شنية إلي بيك وتقولي بعمري ما نخليك

تمنيتك كي ترى الدمعة في عينيا تعانقني وتضمني ليك

تمنيتك كي نضحكلك تضحكلي وتقولي ما نجمش نعيش بلاش بيك

تمنيتك لوحدي تكون ليّا وخايفة من بُعدي عليك كان تغفل عليا .

إبتهال الحركاتي
يارِيتك تحس إلي بيّا