تونسنا شامخا

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

تونس اليوم عيدك اليوم زهاك..

بشعبك العظيم و بأمنو بالروح فداك..

اسمك عالي و زادت علاتو الرجال..

اللي بكاو الميمه في غيابهم و حطوك انت في البال..

اسمك عالي على طول الزمان..

شامخا و راسك مرفوع يا زينة البلدان..

حبو يسرقوا الضحكه اللي زهاتك طول السنين..

و نساو وراك رجال يدافعوا عليك و حاطينك في القلب و العين..

فداو برواحهم و مازالو ماكفاوش شمعة طريقهم..

حلفوا بالعالي و عيطوا "بالروح بالدم نفديك يا علم" .. ا

ليوم وحدوا رايتك في باردو قدام العالم الكل..

يناديو بصوت واحد " احنا قلب تونس" ..

ماحلاك يا بلادي انشاء الله ايامك ديما اعياد..

لا يصدك و لا يغلبك حتى حد مدام عندك اولاد..

اليوم رفعوا رايتك البيضة و الحمراء في كل البلاد..

اسمك منقوش عالحجر و في قلب كل العباد..

تونس عندك رجال ما يغدروش و ما يبيعوش..

موش خونا في ضهرك ياكلوك بالكرطوش..

اليوم بلادي زادت زهات و في عيني ياما حلات..

كي ترى راجل أمن في كل طريق يخدم علينا و موش عارف وين يبات..

ياما العالم شهد بينا و اليوم زاد اكد انو تونس وراها رجال..

بكبيرها بصغيرها رفعوا علم البلاد..

تونسنا انت الروح و الدم اللي يجري في عروقي..

نموت على ارضك و ترابك يحضني و يترما فوقي..

ربي يصونك و يحميك مالعين..

و اللي ناوي يغدرك ما يزيد دقيقه على ارضك يعيش.

بقلم ابتهال الحركاتي

Tags: