ليام و المكتوب

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

مش كل حكايه نكتبها تحكي عليا.. نحكي على بنيا ميتى من داخل وهي حيه..

نحكي على بشر.. تحقر.. و تقهر..

تشوف روحها فالمرايه.. تقول هالوجه متخبيتلو الف حكايه..

العينين كحل و مزينين.. بكحل عربي مكحلين..

تسيل الدمع عليهم و تنين.. تقهرت مالغدره و كلاتها العينين..

مظلوما من بشر حبتو لين بكات.. معرفش قيمتها لين خلاتو و مشات..

صحيح كان فراق الحبيب صعيب.. اما الدنيا مكتوب و القريب يولي بعيد..

ضعفت و بكات.. اما قويه بقات..

بكات بحرقه و قهره.. و في ايامها الكل ساهرا..

ساهرا تخمم في دنيتها.. اللي تنهبت منها و غدرتها..

ماكفهاش ظلم العباد ليها.. كمل غدرها اغلى انسان ليها..

"انا نقلك سيدي و انت اعرف قدرك" ناس بكري قالوها و برشا عباد ماحبوش يفهموها..

واللي يحب وحده ماذبيه يخاف عليها.. و كيما اختو يحميها..

والطفله الي تحطكم في عينيها اعرفوا وين تحطوها.. مش تمرمدوها و عاخطرها حشامه تحقروها..

برشا بنات خذاو درس في حياتهم.. ماللي تعداو بيه و خلفلهم عبره في ذاتهم..

شكر الربي الكبير.. كان ربحت دعاء الوالدين..

يحميها و يسترها.. من كل حاجه تغدرها..

في وجهك تضحك و تتبسم.. و في قلبها تقول "ليام و المكتوب لثنين بيا غروا".

بقلم ابتهال الحركاتي

Tags: