الليل كي يتوسد نجمومو و يفرشلي طريق يهزني لحضنك من غيومو..

الليل و عروسه لبحار و قلب عاشق و بدن رهدان يترنح على أعتاب قمره...

سمره تتعشق.. و بدنها نار و سدرها عرشتين حبق...

و بالحق الليل نور بيها و ضي القلب نابت من كفوفها... و سعدي عشقتي كي إنشوفها ...

لمعة عين من ورا حجاب الرب ..و عجب تبسيمه ما توتصفش و بوسه خال في السماء تدق..

و شامه زعبانه متخبيا في تركينه بنينه في جناين تنسي لمحاين و عيني شاهيه تلاغيها.. و محسوب آش فيها كان بلساني و إلا بسناني حكيت عليها...

أما خايف من يدي تسبقني و من شفايفي تلحقي و من دقه قلب ترهوجني قبل ما نحلم انشد الماء و من نار شهوتي يتبخر في كفي.. زعمه عشقتي تتشد... وكان ترهوجت فاش باش إنشد... و سماها من غير وتد...

عشقه مقديه و شهوة مشتهيه إنقلها إيجاني و من حشمتها كلامي مردود عليا... و أنا الي ما عادش فيا..  وإلا نقربها و إلا إنجانبها و إلا نترمى نوار في شونها... و إلا نحصرها مع الحيط خلى ترى شهوتي و إلا زعمه نتشجع و إنقولها و الليله القول قولها.. اﻷكحل لونها و مع أول لمسة يد نحلفلها إنصونها .. و ترتاح و تصدقني و يدها تعنقني و أنقلها الأكحل عليك مقلقني و الشوره شورتك.. يا ملمس حرير و نغمة غنايات و المقصد سرير نحسب الوشمات و نعاود لحساب إذا شامه تخبات... و يدي الخرنانه تسرسب حفيانه و ترتح على هضابك من القرص حفات... نبربش عل الشامه و عيني في عينك نحكيلك على حلمه تنسات... تغزرلي بغنجه و تقلي علاش أنا بالذات.. على خاطر إنت الحلمه و العشقه و سبب الضحكات.. على خاطر إنت الشهوة و الشهقه و غنايه تتعاود فينا بالسرقه ولتوة لا وفات...

و لساني في الصرة يمكن متهني و إنت إلي في سكاتي بآهاتك تنطقني و تخليني ناقف على أطراف ظلي... و قداش شاهيك يا شطري و يا كلي ...

يا بلوة تحت الصره يا غله صيف... و يا ورد نابت في عز خريف

و مخيبني كي يدك تحبسلي يدي و تقلي بضحكه إنحبك و منك يا خوفي هات خدك يلصق على خدي و إكتبلني يا حبي على بدني حروفك تعرفني إنحب حروفك.

و في لحظه إطفي الشهوة و تفكرني في القهوة و سيقارو شعلتو من قبل اللهوه و مخيبها الغفله كي يجاور حزنك أحزاني و نشكيلك بالنظره جرحي الدخلاني و اداويني بلمسه رقيه رباني... و إنراك أقرب من ظلي شطرك نور و ربع مني و الباقي واش خص انكملو حروف و إنشكلو نص..

ايجا إحضني و إكويني بعرقك و إرويني بنارك... و أقتلني بنظره و أحييني بخنارك..

و كتفني بيدك إذا يدي سرحت في بدنك.. كل لمسه تكتب إنحبك... و تحيرني الشده كيفاش إنخنتبها و كيفاش إنشهد و نشهدلك.. و نكذب و إنقلك إنددش فيك باش تعف و ترقد.. و كي تشبك بين يدي و شعرك..

و تصعب عليها الحركه ... تفارعني وتولي عركه.. يا عشقه عل البال و شهوة محال و حروف من نسج خيال.