Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
هيا ذاتي
Saief Ezzine - سيف الزيننحكيلك
منين نبدالك
و حيرتني منين نبداها
هيا أول من ربي سواها
و آدم تذكر الاسامي الكل
و في اسمها تلعثم و انساها
خلقها ربي ليا
لا ملايكة
ولا حورية
لا من ضلعي
ولا ونس
ولا تهامزوا علينا ملايكة
ولا شدو الصف
ولا شيطان دار بيها و بيا
ولا كلينا التفاحة
شهواتي تذوب
كي نبدى بحذاها
حيرتني منين نبداها
من أول نهار في المكتب
نركحلها في الطبلية
و انهزلها في الجبيرة
والا كي كبرنا
نفهم فيها الفرق
بين الكوال و الموجيرة
وإنا مناش خوات
وما عاد ينفع فيها السكات
حيرتني منين نبداها
هيا الضمار و الخنار
والي يجي وما يجيش
وحيرتي بين لحلال و لحرام
هيا إلي كل ما ننساني
نلقاني فيها
هيا صغري المتخبي فيا
هيا الجابية و الخابية
هيا شقاقتي
الي إنخبي فيها حنيناتي
و تبات في حضني مدفيا
هيا حكايات مماتي
هيا ذاتي و صفاتي
هيا المسمية
سيف الزين
Website Design Brisbane
Tags: